Accessibility links

مێزگرد: 55 گرتوی سیاسی و بیروباوه‌ڕ له‌ نامه‌یان بۆ ئۆباما داوای هه‌ڵگرتنی سزا ئابورییه‌کان له‌سه‌ر ئێران ده‌که‌ن

  • VOA News
  • Motabar Shirwani

کۆمه‌ڵێک له‌ گرتووی سیاسی و بیروباوه‌ڕ هی پێشوو و ئێستا له‌ نامه‌یه‌ک که‌ ئاراسته‌ی سه‌رۆکی ئه‌مه‌ریکا براک ئۆباما کراوه‌ هوشدارییان به‌ سه‌رۆک داوه‌ سه‌باره‌ت به‌ ئاکامی سزاکان و ده‌ڵێن هۆکاری "ئازاری" خه‌ڵکی ئێرانن نه‌ک هی کۆماری ئیسلامی .
نامه‌که‌ ڕۆژی پێنجشه‌ممه‌ بڵاوکراوه‌ته‌وه‌ و ئاراسته‌ی سه‌رۆک ئۆباما کراوه‌ و ده‌ڵێت سزاکان" سزادانی به‌کۆمه‌ڵی خه‌ڵکی ئێرانن."
نامه‌که‌ که‌ له‌لایه‌ن ژماره‌یه‌ک گرتووی به‌ناوبانگی سیاسی مۆرکراوه‌ وه‌ک مۆحسن دامادی(سه‌رۆکی پێشووی کۆمیسیۆنی ئاسایشی نیشتیمانی و سیاسه‌تی ده‌ره‌ وه‌ له‌ په‌رله‌مان-سکرتێری گشتی حیزبی مشارکه‌ت) و موحه‌ممه‌د سه‌دیق که‌بودوه‌ند(سه‌رۆکی ڕێکخراوی مافی مرۆڤی کوردستان) ده‌ڵێت ئه‌مڕۆکه‌ کۆمه‌ڵگای ئێران پێویستی به‌ هێمنی و دڵخۆشی هه‌یه‌ تابتوانێت له‌ ژێر سیبه‌ری دا ڕێگای خۆی به‌رۆ دێموکراسی له‌ ناوخۆ و خاوکردنه‌وه‌ی گرژییه‌کان له‌سیاسه‌تی ده‌ره‌وه‌ی درێژه‌ پێبدات.
مۆعته‌به‌ر شێروانی بۆچونی دوو ڕۆژنامه‌وانی سه‌باره‌ت به‌ نامه‌که‌ وه‌رگرتووه‌: هیوا گوڵمحه‌ممه‌دی له‌ سوید و عارف نادری له‌ نۆروێژ.
XS
SM
MD
LG