Accessibility links

کاربه‌ده‌سـتان: ئیسرائیل به‌ فڕۆکه‌ی بێ فڕۆکه‌وان 5 چه‌کداری توندڕه‌وی ئیسلامی له‌ میسر ده‌کوژێت

  • VOA News

کاربه‌ده‌سـتانی ئاسایشی میسر ده‌ڵێن فڕۆکه‌یه‌کی بێ فڕۆکه‌وانی ئیسرائیل به‌ موشه‌کێـک 5 چه‌کداری توندڕه‌وی ئیسلامی له‌ نیمچه‌ دورگه‌ی سینای میسر کوشـتووه‌ و هه‌روه‌ها سه‌کۆیه‌کی هه‌ڵدانی موشه‌کیشی تێـکشـکاندووه‌.
دانیشـتوان ده‌ڵێن ڕۆژی هه‌ینی گوێـیان له‌ ته‌قینه‌وه‌یه‌کی به‌هێز بووه‌ له‌ نزیک سنووره‌کانی ئیسرائیلدا. کاربه‌ده‌سـتان ده‌ڵێن هێرشه‌که‌ به‌ هاوکاری له‌گه‌ڵ ده‌سه‌ڵاتدارانی میسر کراوه‌.
ڕۆژی پـێـنجشه‌ممه‌ ئیسرائیل به‌هۆی مه‌ترسی له‌ ڕوودانی هێرشی موشه‌کی، فڕۆکه‌خانه‌ی ئیلاتی نزیک سینای بۆ ماوه‌ی چه‌ند کاژمێرێـک داخست.
جێی ئاماژه‌یه‌ له‌شـکر و هێزه‌کانی ئاسایشی میسریش له‌ مێژه‌وه‌ له‌ شه‌ڕدان له‌ دژی چه‌کدارانی توندڕه‌وی ئیسلامی له‌ سینادا.
XS
SM
MD
LG