Accessibility links

فڕۆکه‌وانێـکی هێڵی ئاسمانی تورکی و یاریده‌ده‌ره‌که‌ی له‌ لوبنان ده‌ڕفێنرێن


کاربه‌ده‌سـتانی لوبنان ده‌ڵێن ژماره‌یه‌ک چه‌کدار ڕۆژی هه‌ینی بۆسه‌یه‌کیان بۆ پاسێـکی ڤانی هێڵی ئاسـمانی تورکی له‌ نزیـک فڕۆکه‌خانه‌ی به‌یرووت ناوه‌ته‌وه‌ و فڕۆکه‌وانێـکی ئه‌و هێڵه‌ و یاریده‌ده‌ره‌که‌یان ڕفاندووه‌.
به‌پـێی کاربه‌ده‌سـتان 6 چه‌کدار له‌سه‌ر شه‌قامێـکی کۆنی فڕۆکه‌خانه‌که‌ پاسه‌که‌یان ڕاگرتووه‌ و ئه‌و دوو که‌سیان داگرتووه‌ که‌ به‌ ڕه‌چه‌ڵه‌ک تورکن و پاشـان ڕێگه‌یان به‌وانی دیکه‌ داوه‌ بڕۆن.
ده‌شڵێن پاسه‌که‌ له‌ فڕۆکه‌خانه‌ی نێوده‌وڵه‌تی به‌یرووته‌وه‌ به‌ره‌و ئوتێـلێـک له‌ پایته‌خت به‌ڕێکه‌وتبوو، کاتێـک به‌ره‌به‌یانی ئه‌مڕۆ هه‌ینی که‌وته‌ بۆسه‌که‌وه‌.
کۆمه‌ڵێـک به‌ ناوی " زوار ئیمام ئه‌لره‌زا" به‌رپـرسیارێتی خۆی له‌ ڕفاندنه‌که‌ ڕاگه‌یاندووه‌، ده‌ڵێت ئازادیان ناکه‌ن هه‌تا ئه‌و ده‌مه‌ی ئه‌و 9 لوبنانیـیه‌ شیعه‌یه‌ ئازاد نه‌کرێن که‌ نزیکه‌ی سـاڵێـکه‌ له‌ لایه‌ن کۆمه‌ڵێـک چه‌کداری ئۆپـۆزسیۆنی سوریاوه‌ له‌ ناوچه‌ی ئعزازی باکوری ڕۆژئاوای سوریادا ڕفێندران.
به‌پـێی ده‌زگاکانی ده‌نگ‌وباسی لوبنان شۆفێری پاسه‌که‌ ده‌سـتگیرکراوه‌ و لێـکۆڵینه‌وه‌ی له‌گه‌ڵدا ده‌کرێت.
XS
SM
MD
LG