Accessibility links

ته‌قینه‌وه‌یه‌کی خۆکوژی له‌ پاکسـتان 30 کوژراوی لێ ده‌که‌وێته‌وه‌

  • VOA News

خۆکوژێـکی تاڵیبانی پاکسـتان ڕۆژی پـێـنجشه‌ممه‌ له‌ شـاری کوه‌یتای ڕۆژئاوای وڵاته‌که‌ خۆی له‌ نێو ڕێوڕه‌سمی به‌خاکسـپاردنی ته‌رمی پـۆلیسێـکی کوژراودا ته‌قانده‌وه‌ و له‌ ئاکامدا به‌ لایه‌نی که‌م 30 که‌س کوژران و 62 که‌سی دیکه‌ برینداربوون.
ته‌قینه‌وه‌که‌ له‌و ده‌مه‌دا ڕوویدا که‌ نزیکه‌ی 250 که‌س له‌ به‌رده‌می ئه‌و مزگه‌وته‌دا گردبووبوونه‌وه‌ پرسه‌که‌ی لێ‌ده‌گێڕا.
کاربه‌ده‌سـتێـکی پـۆلیس به‌ ئاژانسی ڕۆیته‌رزی گوت 21 ئه‌فسه‌ر له‌ نێو کوژراوه‌کاندان و هه‌روه‌ها ژماره‌یه‌ک منداڵیشیان له‌ نێودایه‌.
شاهیدوڵـڵا شاهید گوته‌بێژی تاڵیبان به‌رپـرسیارێتی خۆیانی له‌ هێرشه‌که‌ ڕاگه‌یاند و گوتی ئه‌مه‌یان بۆ سـزادانی ئه‌فسه‌رانی پـۆلیس کردووه‌ که‌ به‌ گوته‌ی خۆی له‌ دژی ئیسـلام کاریان کربوو.
XS
SM
MD
LG