Accessibility links

سوریا ڕه‌تی ده‌کاته‌وه‌ هێرش کرابێته‌ سه‌ر کاروانی ئۆتۆمبیله‌کانی ئه‌سه‌د

  • VOA News

کاربه‌ده‌سـتانی سوریا ئه‌و هه‌واڵانه‌یان ڕه‌تکرده‌وه‌ که‌ ده‌ڵێن ڕۆژی پـێـنجشه‌ممه‌ هێرش کراوه‌ته‌ سه‌ر که‌ژاوه‌ی ئۆتۆمبیله‌کانی سه‌رۆکی وڵاته‌که‌ به‌شـار ئه‌سه‌د له‌و ده‌مه‌ی به‌ڕێوه‌ بووه‌ بۆ مزگه‌وتێـک له‌ دیمه‌شقدا.
لیوای ته‌حریری شامی ئۆپـۆزسیۆن گوتی توپـبارانی که‌ژاوه‌ی ئۆتۆمبیله‌کانیان کردووه‌ و ژماره‌یه‌ک له‌ گولـله‌ تۆپه‌کان به‌ر ئامانجه‌کانیان که‌وتوون.
به‌ڵام عومران ئه‌لزوعبی وه‌زیری ڕاگه‌یاندنی سوریا گوتی ئه‌و هه‌واڵه‌ سه‌رتاپای درۆیه‌ و هه‌موو شتێـک ئاسایـیه‌. گوتی به‌شـار ئه‌سه‌د بۆخۆی ئۆتۆمبیله‌که‌ی لێخوڕیوه‌.
ته‌له‌فیزیۆنی حکومه‌تی سوریا ڤیدیۆیه‌کی به‌خش کرد و تیایدا نیشـانی دا به‌شـار ئه‌سه‌د نوێژی جه‌ژنی ده‌کرد له‌ مزگه‌وتی ئه‌نس بن مالیک له ناوچه‌ی ئه‌لمالیکی ناوه‌ڕاستی دیمه‌شق.
کۆمه‌ڵه‌ی چاودێری مافه‌کانی مرۆڤ بنکه‌ له‌ به‌ریتانیا گوتی به‌یانی پـێـنجشه‌ممه‌ 3 گولـله‌ خومپاره‌ به‌ر ناوچه‌ی ئه‌لمالیکی له‌ نزیک مزگه‌وته‌که‌ که‌وتوون‌، به‌ڵام پشـتڕاستی نه‌کرده‌وه‌ که‌ژاوه‌ی ئۆتۆمبیله‌کانی ئه‌سه‌د کرابێته‌ ئامانج.
XS
SM
MD
LG