Accessibility links

سه‌رۆک ئۆباما به‌بۆنه‌ی جه‌ژنی ڕه‌مه‌زانه‌وه‌ پـیرۆزبایی ده‌کات


سه‌رۆکی وڵاته‌ یه‌کگرتووه‌کانی ئه‌مه‌ریکا براک ئۆباما له‌ ڕاگه‌یاندنێـکدا پـیرۆزبایی له‌ موسڵمانان کرد به‌ بۆنه‌ی جه‌ژنی ڕه‌مه‌زانه‌وه‌.
به‌ بۆنه‌ی هاتنی جه‌ژنی ڕه‌مه‌زانه‌وه‌، خۆم و میشێل‌ گه‌رمترین پـیرۆزبایی له‌ موسڵمانانی‌ ئه‌مه‌ریکا و هه‌موو جیهان ده‌که‌ین. موسڵمانان له‌ ده‌می مانگی ڕه‌مه‌زان ئیمانداری خۆیان نیشـان دا له‌ ڕێگه‌ی نوێژ و نزا و ڕۆژووگرتن و به‌سه‌ربردنی کات له‌گه‌ڵ خۆشه‌ویستانیان. منیش ئه‌مساڵ له‌ ئێواره‌خوانی ڕه‌مه‌زانی کۆشـکی سـپی گه‌وره‌ بووم به‌ بینی ژماره‌یه‌ک له‌و ئه‌مه‌ریکایـیه‌ موسڵمانانه‌ی به‌شـداریـیان کردووه‌ له‌ ده‌وڵه‌مه‌ندکردنی دیموکراسیـیه‌که‌مان و به‌هێزکردنی ئابوری وڵاته‌که‌ماندا. زۆرێـک له‌ ئێمه‌ ده‌رفه‌تی ئه‌وه‌مان هه‌بوو له‌ ئێواره‌خوانی هاوڕێ و هاوکاره‌ موسڵمانه‌کاندا ئاماده‌بین، ئه‌مه‌ش نه‌ریتێـکه‌‌ به‌ بیرمان ده‌هێنێته‌وه‌ سوپاسگوزاری خودا بـبین بۆ ئه‌و نیعمه‌ته‌ی پـێی به‌خشیوین و هه‌روه‌ها به‌زیی‌مان هه‌بێت به‌رامبه‌ر که‌سانی لێقه‌وماودا، له‌وانه‌ ئه‌و ملیۆنان سوریـیه‌ی که‌ مانگی ڕه‌مه‌زانیان له‌ ئاواره‌یی و دور له‌ ماڵ و که‌سوکار و خۆشه‌ویستانیانه‌وه‌ به‌سه‌ربرد. وڵاته‌ یه‌کگرتووه‌کانی ئه‌مه‌ریکا بۆ یارمه‌تیدانی زۆرێـک له‌و هاوڵاتیـیه‌ سوریـیانه‌ی له‌م جه‌ژنه‌دا به‌ده‌ست نه‌بوونیـیه‌وه‌ ده‌ناڵێنن، بڕیاری دا به‌ به‌های 195 ملیۆن دۆلاری دیکه‌ خۆراک و کۆمه‌کیان بۆ ڕه‌وانه‌بکات، به‌مه‌ش له‌وه‌تای قه‌یرانه‌که‌ ده‌سـتیپـێـکردووه‌، به‌های کۆمه‌کی ئه‌مه‌ریکا بۆ خه‌ڵـکی سوریا ده‌گاته‌ زیاتر له‌ یه‌ک ملیار دۆلار. بۆ ملیۆنان ئه‌مه‌ریکایی جه‌ژن به‌شێکی جوان و گرنگه‌ له‌و دابونه‌ریتانه‌ی له‌ وڵاته‌که‌دا هه‌ن. هیوادارم هه‌موو موسڵمانان ئه‌م جه‌ژنه‌ به‌خۆشی به‌سه‌ربه‌رن.
XS
SM
MD
LG