Accessibility links

کاربه‌ده‌سـتێـکی میسر: هیچ گۆڕانکاریـیه‌ک به‌سه‌ر نه‌خشه‌ ڕێگه‌ی وڵاته‌که‌ نه‌هاتووه‌

  • VOA News

ئه‌حمه‌د ئه‌لموسلیمانی گوته‌بێژی سه‌رۆکی کاتی میسر ده‌ڵێت تاکه‌ شتێـکیش له‌و نه‌خشه‌ ڕێگه‌یه‌ی پـێش مانگێـک به‌ پاڵپشـتی له‌شـکر بۆ وڵاته‌که‌ دانراوه‌ نه‌گۆڕاوه‌.
موسلیمانی ڕۆژی دووشه‌ممه‌ له‌ به‌یانـنامه‌یه‌کدا ئه‌مه‌ی ڕاگه‌یاند، پاش ئه‌و زنجیره‌ سه‌ردانانه‌ی دیپـلۆماتانی عه‌ره‌بی و ڕۆژئاوایی بۆ قاهیره‌یان کردووه‌ به‌ مه‌به‌سـتی قایلکردنی حکومه‌تی کاتی له‌وه‌ی هه‌ندێـک دانه‌واندن بۆ لایه‌نگرانی سه‌رۆکی له‌کارلابراو محه‌مه‌د مورسی بکات له‌ به‌رامبه‌ر کۆتایی‌هێنانیان به‌ مانگرتن و خۆپـیشـاندان.
له‌ نه‌خشه‌ی ڕێگه‌که‌دا هاتووه‌ ئه‌و ده‌سـتوره‌ی له‌ سـاڵی 2012 به‌ پشـتیوانی ئیسلامیـیه‌کان نووسراوه‌ ده‌بێت هه‌مواربکرێت و له‌ سه‌ره‌تای سـاڵی 2014 هه‌ڵبژاردنی په‌رله‌مانی و سه‌رۆکایه‌تی سـازبکرێن.
موسلیمانی به‌ دوریشی دانا ڕاپـرسی گشـتی له‌سه‌ر نه‌خشه‌ ڕێگه‌که‌ بکرێت.
XS
SM
MD
LG