Accessibility links

سه‌رۆکی نوێی ئێران داوای دیالۆگ ده‌کات له‌گه‌ڵ ڕۆژئاوادا و پشتیوانیش بۆ ڕژێمی سوریا ڕاده‌گه‌یه‌نێت

  • VOA News

سه‌رۆکی نوێی ئێران ئه‌مڕۆ یه‌کشه‌ممه‌ داوای له‌ وڵاتانی ڕۆژئاوا کردووه‌ ده‌ستبه‌رداری به‌کارهێنانی زمانی سزاکان بن له‌ سه‌ر و سه‌ودا کردن له‌گه‌ڵ دۆسێی ناوکی ئێراندا و هیواشی خواستووه‌ فشاره‌ ئابوریه‌کانی سه‌پێندراونه‌ته‌ سه‌ر کۆماری ئیسلامی ئێران هێور بکرێنه‌وه که‌ ژیان و بژێوی گه‌لانی ئێرانی قورس کردووه‌.

حه‌سه‌ن ڕۆحانی له‌ پاش مه‌ڕاسیمی سوێندخواردنه‌که‌ی بۆ ده‌ستبه‌کاربوونی وه‌ک سه‌رۆکی نوێی ئێران له‌ وتارێکدا داوای دیالۆگی کردۆته‌وه‌ له‌گه‌ڵ ڕۆژئاوادا و هه‌روه‌هاش ڕێزگرتنی ئێران له‌ دانوستاندنه‌کاندا.

هاوکات سه‌رۆکی نوێی ئێران پشتیوانی وڵاته‌که‌ی ڕاگه‌یاندووه‌ بۆ ڕژێمه‌که‌ی به‌شار ئه‌لئه‌سه‌د سه‌رۆکی سوریا و ده‌ڵێت هیچ هێزێک نییه‌ له‌ جیهاندا بتوانێت هاوپه‌یمانێتی نێوان تاران و دیمه‌شق بله‌رزێنێت.

ئاژانسی ده‌نگ و باسی ئه‌سیۆشێتد پرێس ده‌ڵێت ئه‌م راگه‌یاندنه‌ی حه‌سه‌ن ڕۆحانی له‌ میانه‌ی وتووێژه‌که‌یدا بووه له‌ تاران‌ له‌گه‌ڵ وائیل ئه‌لحه‌لقی سه‌ره‌ک وه‌زیری سوریا.

له‌وه‌تای قه‌یرانی سوریا ده‌ستیپێکردووه‌ ئێران به‌هێزترین پاڵپشتی دیمه‌شق بووه‌ و بڕواش وایه‌ کۆماری ئیسلامی ئێران به‌ ملیار دۆلار کۆمه‌کی به‌شار ئه‌لئه‌سه‌د سه‌رۆکی سوریای کردبێت.
XS
SM
MD
LG