Accessibility links

هێزه‌کانی ئاسایشی میسر ڕێگه‌ له‌ لایه‌نگرانی مورسی ده‌گرن بچنه‌ ناو شـاری میدیای پایته‌خت


هێزه‌کانی ئاسایشی میسر شه‌وی هه‌ینی ڕێگه‌یان له‌ خۆپـیشـانده‌رانی لایه‌نگرانی محه‌مه‌د مورسی سه‌رۆکی له‌کار لابراو گرت له‌وه‌ی خۆیان بکه‌ن به‌ ناوچه‌ی که‌ناڵه‌ ته‌له‌فیزیۆنیـیه‌ تایبه‌ته‌کانی میسردا له‌ پایته‌خت.
هێزه‌کانی پـۆلیس به‌ گازی فرمێسـک ڕێژ ڕووبه‌ڕووی ئه‌و خۆپـیشـانده‌رانه‌ بوونه‌وه‌ که‌ به‌ به‌ردباران هه‌وڵی چوونه‌ ناو شـاری به‌رهه‌مهێنانی میدیایان ده‌دا که‌ ده‌که‌وێته‌ ناوچه‌ی (6 ی ئۆکتۆبه‌ر) له‌ ڕۆژئاوای قاهیره‌.
له‌ پـێـکدادانه‌کاندا 2 پـۆلیس به‌ گولـله‌ی تاپـڕ برینداربوون و زیانی ماڵیش به‌ ده‌روازه‌ی شوێنه‌که‌ که‌وتووه‌ که‌ به‌ (مدينة الإنتاج الإعلامي) ده‌ناسرێت. هه‌روه‌ها 31 خۆپـیشـانده‌ریش ده‌ستگیرکراون.
لایه‌نگرانی مورسی و ئیخوان ئه‌لموسلیمین ڕۆژی هه‌ینی خۆپـیشـاندانی ناڕه‌زایـیان له‌ چه‌ند ناوچه‌یه‌کی قاهیره‌ و شـاره‌کانی دیکه‌ سـازکرد و داوای گه‌ڕانه‌وه‌ی مورسیان بۆ سه‌ر ده‌سه‌ڵات ده‌کرده‌وه‌.
XS
SM
MD
LG