Accessibility links

لێدوانێـکی حه‌سه‌ن ڕوحانی له‌ باره‌ی ئیسرائیله‌وه‌ ناڕه‌زایی لێ ده‌که‌وێته‌وه‌

  • VOA News

به‌پـێی ئاژانسه‌کانی ده‌نگ‌وباسی ئێران و جیهان، حه‌سه‌ن ڕوحانی سه‌رۆکی هه‌ڵبژێردراوی ئێران ڕۆژی هه‌ینی گوتی ئیسرائیل برینێـکه‌ که‌ پـێویسته‌ لابـبرێت.
ده‌زگای هه‌واڵی ئیسنای ئێران ڕۆژی هه‌ینی ئه‌مه‌ی بڵاوکرده‌وه‌ و گوتی ڕوحانی ئه‌مه‌ی به‌ بۆنه‌ی ڕۆژی قودسه‌وه‌ گوتووه‌ و هه‌روه‌ها گومانی ده‌ربڕیوه‌ له‌ هه‌وڵه‌کانی ده‌درێن بۆ بوژراندنه‌وه‌ی وتووێژه‌کانی ئاشـتی نێوان ئیسرائیل و فه‌ڵه‌سـتیـنیـیه‌کاندا.
سه‌رۆک وه‌زیری ئیسرائیل بنیامین نه‌ته‌نیاهو له‌ به‌رامبه‌ر ئه‌م هه‌واڵه‌‌ گوتی ڕوحانی ڕووی ڕاسته‌قینه‌ی خۆی زووتر وه‌ک له‌وه‌ی چاوه‌ڕوان‌ده‌کرا نیشـان دا. گوتیشی ئه‌م قسانه‌ی ڕوحانی به‌شێـکه‌ له‌ به‌رنامه‌ی کاری ئێران.
به‌ڵام ته‌له‌فیزیۆنی ده‌وڵه‌تی ئێران پاش ماوه‌یه‌کی کورت له‌ بڵاوبوونه‌وه‌ی هه‌واڵه‌که‌ گوتوویه‌تی ئاژانسه‌کانی هه‌واڵ، لێـدوانه‌کانی ڕوحانیـیان شێواندووه‌.
XS
SM
MD
LG