Accessibility links

سه‌رۆک وه‌زیری تونس: هه‌ڵبژاردنه‌کان له‌ 17 ی مانگی دوازده‌ سـازده‌کرێن

  • VOA News

سه‌رۆک وه‌زیر تونس عه‌لی ئه‌لعه‌ریز ده‌ڵێت حکومه‌ته‌که‌ی هه‌ڵناوه‌شێنێته‌وه‌ سه‌ره‌ڕای ئه‌و داوایانه‌ی له‌ لایه‌ن ئۆپـۆزسیۆنه‌وه‌ بۆ ئه‌و مه‌به‌سته‌ ده‌کرێن، به‌ڵام په‌یمانی دا هه‌تا مانگی ده‌ ده‌سـتور ته‌واو بـبێت و له‌ 17 ی مانگی دوازده‌ هه‌ڵبژاردنه‌کان سـازبکرێن.
ئه‌لعه‌ریزی ڕۆژی دووشه‌ممه‌ ئه‌مه‌ی له‌ کۆنگره‌یه‌کی ڕۆژنامه‌وانیدا ڕاگه‌یاند و گوتی هیچ ملکه‌چی ئه‌و داوایانه‌ نابێت که‌ ده‌کرێن بۆ هه‌ڵوه‌شـاندنه‌وه‌ی ئه‌نجومه‌نی نیشـتیمانی و حکومه‌ته‌ هاوبه‌ندیـیه‌که‌ی.
له‌ پاش ئه‌وه‌ی ڕۆژی پـێـنجشه‌ممه‌ سیاسه‌تمه‌داری چه‌پڕه‌و محه‌مه‌د ئه‌لئیبراهیمی له‌ به‌رده‌م ماڵه‌که‌ی خۆی له‌ تونسی پایته‌خت کوژرا، ناڕه‌زایـیه‌کی گه‌وره‌ ئه‌و وڵاته‌ی گرتووه‌ته‌وه‌ و لایه‌نه‌کانی ئۆپـۆزسیۆن داوای هه‌ڵوه‌شـاندنه‌وه‌ی حکومه‌ت ده‌که‌ن.
XS
SM
MD
LG