Accessibility links

کاربه‌ده‌سـتێـکی پـێشـووی یه‌مه‌ن به‌ ده‌سـتی گومانبارانی ئه‌لقاعیده‌ ده‌کوژرێت

  • VOA News

کاربه‌ده‌ستێـکی ئاسایشی یه‌مه‌ن ده‌ڵێت دوو چه‌کداری نه‌ناسراو که‌ گومان ده‌کرێت سه‌ر به‌ ئه‌لقاعیده‌ بن، ڕۆژی هه‌ینی شێخ یه‌سله‌م ئه‌لعه‌نبوری کاربه‌ده‌سـتی پـێشـووی حکومه‌ت و که‌سایه‌تی خێڵی ئال عه‌نبوریان کوشـتووه‌.
کاربه‌ده‌سـته‌که‌ گوتی به‌یانی ئه‌مڕۆ هه‌ینی کاتێـک ئه‌لعنبوری له‌ ماڵه‌که‌ی خۆی له‌ شـاری عه‌ده‌ن به‌ره‌و مزگه‌وت بۆ نوێژی هه‌ینی به‌ڕێـکه‌وتبوو‌، دوو چه‌کداری ده‌مامک کردوو ، به‌سه‌ر ماتۆرسکیلێـکه‌وه‌ ته‌قه‌یان له‌ ئه‌لعه‌نبوری کردووه‌ و کوشتوویانه‌.
گوتیشی له‌و بڕوایه‌دان تیرۆرکردنی ئه‌لعه‌نبوری له‌ تۆڵه‌ی ئه‌و ڕۆڵه‌ی بێت که‌ له‌ سـاڵی 2011 بینیبووی له‌ شه‌ڕی دژه‌ تێرۆردا له‌ پارێزگای ئه‌بیه‌ن، کاتێـک قاعیده‌ له‌وێ جموجۆڵی زۆر بوو.
یه‌سله‌م ئه‌لعه‌نبوری به‌ڕێوه‌به‌ری پـێشووی ناوچه‌ی ئه‌لمه‌حفه‌دی پارێزگای ئه‌بیه‌ن له‌ باشوری وڵاته‌که‌ بوو.
XS
SM
MD
LG