میسریه‌کان ڕژاونه‌ته سه‌ر شه‌قامه‌کانی وڵاته‌که‌یان هاوکاتی ئه‌وه‌ی هه‌ر یه‌ک له له‌شکری میسر و ئیخوانولموسلمینه‌کانیش ده‌یانه‌وێت هێزی خۆیان نیشان بده‌ن.
لایه‌نگرانی موحه‌مه‌د مورسی سه‌رۆکی له‌کارخراوی وڵاته‌که ئه‌مڕۆ هه‌ینی له ده‌ره‌وه‌ی مزگه‌وتی ڕابعه عه‌ده‌ویه له ناوچه‌ی نه‌سر له شاری قاهیره خۆپیشاندانیان کردووه که به شوێنی چڕ بوونه‌وه‌ی ئیخوانه‌کان داده‌نرێت.
ڕاپۆرتیش له‌سه‌ر ڕوودانی پێکدادان هه‌بوون له‌گه‌ڵ چه‌ند هه‌زار خۆپیشانده‌رێکی دژه مورسی که له مه‌یدانی ته‌حریر له قاهیره گردبووبوونه‌وه.
ئه‌م خۆپیشاندانانه‌ی ئه‌مڕۆ هه‌ینی هاوکاته له‌گه‌ڵ بڕیاری دادوه‌رێکی میسریدا بۆ درێژکردنه‌وه‌ی ماوه‌ی گیرانه‌که‌ی موحه‌مه‌د مورسی به تاوانی پیلانگێڕان له‌گه‌ڵ ڕێکخراوی میلیشیایی حه‌ماسدا.
ئاژانسی فه‌رمی ده‌نگ و باسی مینا ده‌ڵێت سه‌رۆکی له‌کارخراوی وڵاته‌که بۆ 15 ڕۆژ له گرتوخانه ده‌هێڵدرێته‌وه بۆ لێکۆڵینه‌وه کردن له‌سه‌ر ئه‌و تاوانی پیلانگێڕیه‌ی ڕووبه‌ڕووی بۆته‌وه.
له‌وه‌تای ڕۆژی سێی ئه‌م مانگی حه‌وته‌وه موحه‌مه‌د مورسی له گرتوخانه‌یه‌کی نهێنی له‌شکر هێڵراوه‌ته‌وه به‌بێ ئه‌وه‌ی ڕووبه‌ڕووی هیچ تاوانێک بکرێته‌وه.
لێکۆڵه‌ره‌وه‌کان کار له‌سه‌ر دیاریکردنی ئه‌و ئه‌گه‌ر و نه‌گه‌رانه ده‌که‌ن ئایا مورسی په‌یوه‌ندی هه‌بووه به حه‌ماسه‌وه تا یارمه‌تی بده‌ن له زیندان ڕابکات، ئه‌و کاته‌ی گیرابوو له ساڵی 2011 دا و له ده‌می سه‌رهه‌ڵدانی گه‌لی میسردا.
ڕێکخراوی ئیخوانولموسلمینه‌کان ده‌ڵێت دانیشتوانی خۆجێیی یارمه‌تی زیندانیه‌کانیان داوه له به‌ندیخانه بێنه ده‌رێ.
به‌ڵام دادگایه‌کی قاهیره لێکۆڵینه‌وه‌ی کردووه له‌سه‌ر شیانی هاوکاری موحه‌مه‌د مورسی له‌گه‌ڵ حه‌ماسدا تا هێرش بکرێته سه‌ر بنکه‌کانی پۆلیس.
هێشتا ئاشکرا نییه ئایا له دادگادا مورسی ڕووبه‌ڕووی ئه‌و تاوانه ده‌کرێته‌وه یان نا.
ده‌مڕاستێکی ئیخوانه‌کان ئه‌مڕۆ هه‌ینی هێرشی زاره‌کی کردۆته سه‌ر ئه‌و گوناهبارکردنه و گوتووشیه‌تی ئه‌م ڕه‌فتارانه‌ش به‌ڵگه‌ن که وڵاتی میسر له پاشه‌کشه‌دایه بۆ سه‌روه‌ختی حوسنی موباره‌ک.
لایه‌نگرانی موحه‌مه‌د مورسی سه‌رۆکی له‌کارخراوی وڵاته‌که ئه‌مڕۆ هه‌ینی له ده‌ره‌وه‌ی مزگه‌وتی ڕابعه عه‌ده‌ویه له ناوچه‌ی نه‌سر له شاری قاهیره خۆپیشاندانیان کردووه که به شوێنی چڕ بوونه‌وه‌ی ئیخوانه‌کان داده‌نرێت.
ڕاپۆرتیش له‌سه‌ر ڕوودانی پێکدادان هه‌بوون له‌گه‌ڵ چه‌ند هه‌زار خۆپیشانده‌رێکی دژه مورسی که له مه‌یدانی ته‌حریر له قاهیره گردبووبوونه‌وه.
ئه‌م خۆپیشاندانانه‌ی ئه‌مڕۆ هه‌ینی هاوکاته له‌گه‌ڵ بڕیاری دادوه‌رێکی میسریدا بۆ درێژکردنه‌وه‌ی ماوه‌ی گیرانه‌که‌ی موحه‌مه‌د مورسی به تاوانی پیلانگێڕان له‌گه‌ڵ ڕێکخراوی میلیشیایی حه‌ماسدا.
ئاژانسی فه‌رمی ده‌نگ و باسی مینا ده‌ڵێت سه‌رۆکی له‌کارخراوی وڵاته‌که بۆ 15 ڕۆژ له گرتوخانه ده‌هێڵدرێته‌وه بۆ لێکۆڵینه‌وه کردن له‌سه‌ر ئه‌و تاوانی پیلانگێڕیه‌ی ڕووبه‌ڕووی بۆته‌وه.
له‌وه‌تای ڕۆژی سێی ئه‌م مانگی حه‌وته‌وه موحه‌مه‌د مورسی له گرتوخانه‌یه‌کی نهێنی له‌شکر هێڵراوه‌ته‌وه به‌بێ ئه‌وه‌ی ڕووبه‌ڕووی هیچ تاوانێک بکرێته‌وه.
لێکۆڵه‌ره‌وه‌کان کار له‌سه‌ر دیاریکردنی ئه‌و ئه‌گه‌ر و نه‌گه‌رانه ده‌که‌ن ئایا مورسی په‌یوه‌ندی هه‌بووه به حه‌ماسه‌وه تا یارمه‌تی بده‌ن له زیندان ڕابکات، ئه‌و کاته‌ی گیرابوو له ساڵی 2011 دا و له ده‌می سه‌رهه‌ڵدانی گه‌لی میسردا.
ڕێکخراوی ئیخوانولموسلمینه‌کان ده‌ڵێت دانیشتوانی خۆجێیی یارمه‌تی زیندانیه‌کانیان داوه له به‌ندیخانه بێنه ده‌رێ.
به‌ڵام دادگایه‌کی قاهیره لێکۆڵینه‌وه‌ی کردووه له‌سه‌ر شیانی هاوکاری موحه‌مه‌د مورسی له‌گه‌ڵ حه‌ماسدا تا هێرش بکرێته سه‌ر بنکه‌کانی پۆلیس.
هێشتا ئاشکرا نییه ئایا له دادگادا مورسی ڕووبه‌ڕووی ئه‌و تاوانه ده‌کرێته‌وه یان نا.
ده‌مڕاستێکی ئیخوانه‌کان ئه‌مڕۆ هه‌ینی هێرشی زاره‌کی کردۆته سه‌ر ئه‌و گوناهبارکردنه و گوتووشیه‌تی ئه‌م ڕه‌فتارانه‌ش به‌ڵگه‌ن که وڵاتی میسر له پاشه‌کشه‌دایه بۆ سه‌روه‌ختی حوسنی موباره‌ک.