Accessibility links

به هۆی هێرشێک له‌ پاکستان 2 که‌س ده‌کوژرێن

  • VOA News

کاربه‌ده‌ستان له‌ باکوری ڕۆژئاوای پاکستان ده‌ڵێن چه‌کداران بۆسه‌یان بۆ کاربه‌ده‌ستێکی باڵای پۆلیس داناوه‌، له ئاکامی هێرشه‌که‌دا برینداریان کردووه‌و پاسه‌وانه‌که‌ی و شۆفێره‌که‌ی کوژراون.
کاربه‌ده‌ستان ده‌ڵێن چه‌کداران له‌ ڕۆژی پێنچه‌ممه‌ له‌ پیشاوه‌ر ته‌قه‌یان له‌ گوڵ وه‌لی خان جێگری به‌رپرسی پۆلیسی هه‌رێمی کرد له‌ کاتێکدا ده‌ڕۆشت بۆ سه‌ر کاره‌که‌ی.
کاربه‌ده‌ستانی نه‌خۆشخانه‌ ده‌ڵێن ڕه‌وشی ته‌ندروستی خان له‌ مه‌ترسیدایه‌.
تا ئاماده‌کردنی ئه‌م هه‌واڵه‌ هیچ لایه‌نێک به‌رپرسیارێتی هێرشه‌که‌ی نه‌گرتووه‌ته‌ ئه‌ستۆ.
شایانی باسه‌ پیشاوه‌ر سنوری له‌گه‌ڵ ناوچه‌ی خێڵه‌کی نیمچه‌ ئه‌تۆنۆمی پاکستاندایه، که‌ شوێنی سه‌ره‌کی تالیبان و ملیتانه‌کانی ئه‌لقاعیده‌یه‌ له‌ پاکستان.
XS
SM
MD
LG