Accessibility links

جێگری سه‌رۆکی ئه‌مه‌ریکا له‌ هیندسـتان سه‌نگی ده‌خاته‌ سه‌ر په‌یوه‌ندیـیه‌ بازرگانیـیه‌کان

  • VOA News

جۆ بایدن جێـگری سه‌رۆکی ئه‌مه‌ریکا که‌ به‌ سه‌ردانێـکی چوار ڕۆژی له‌ هیندسـتانه‌ به‌ مه‌به‌ستی پته‌وکردنی په‌یوه‌ندیـیه‌ دیپـلۆماسی و بازرگانیـیه‌کانی نێوان هه‌ردوو وڵات، وا له‌ شـاری مۆمبایه.
به‌ڕێز بایدن ڕۆژی چوارشه‌ممه‌ له‌ بازاڕی ئاڵوگۆڕی دراوی مۆمبای، داوای له‌ هیندسـتان کرد مه‌رجه‌کانی وه‌به‌رهه‌مهێنان باشبکات تاوه‌کو ئاڵوگۆڕی بازرگانی له‌گه‌ڵ ئه‌مه‌ریکا باشتربـبێت که‌ له‌ ئێستادا له‌ ده‌وروبه‌ری 100 ملیار دۆلار وه‌سـتاوه‌.
گوتیشی ئه‌م کاره‌ ته‌نها‌ به‌ به‌رژه‌وه‌ندی ئه‌مه‌ریکا و هیندسـتان ناکه‌وێته‌وه‌، به‌ڵـکو سوودی بۆ ته‌واوی وڵاتانی ناوچه‌که‌ و جیهان به‌ گشـتی ده‌بێت.
پاشـان پـێشـنیاری کرد ئه‌مه‌ریکا و هیندسـتان و چین پـێـکه‌وه‌ وتووێژ بکه‌ن، ده‌ڵێت هه‌رچه‌نده‌ هه‌ر یه‌ک له‌م وڵاتانه‌ به‌رژه‌وه‌ندی تایبه‌تی خۆیان هه‌یه‌، به‌ڵام له‌ هه‌مان کاتدا به‌رژه‌وه‌ندی هاوبه‌شی زۆر گرنگتریان هه‌یه‌.
XS
SM
MD
LG