Accessibility links

به‌ریتانیا: ئه‌نجومه‌نی ئاسایش له‌گه‌ڵ ئۆپـۆزسیۆنی سوریا کۆده‌بێته‌وه‌

  • VOA News

نوێنه‌ری به‌ریتانیا له‌ نه‌ته‌وه‌ یه‌کگرتووه‌کان ده‌ڵێت ئه‌نجومه‌نی ئاسایشی نه‌ته‌وه‌ یه‌کگرتووه‌کان ڕۆژی هه‌ینی کۆبوونه‌وه‌یه‌کی ناڕه‌سمی له‌گه‌ڵ ژماره‌یه‌ک له‌ ئه‌ندامانی هاوبه‌ندی نیشـتیمانی ئۆپـۆزسیۆنی سوریا سـازده‌کات.
مارک لیاڵ گرانت ڕۆژی سێشه‌ممه‌ له‌ به‌یانـنامه‌یه‌کدا ئه‌مه‌ی ڕاگه‌یاند و گوتی بڕیاره‌ ژماره‌یه‌ک له‌ ئه‌ندامانی سیاسی و له‌شـکری ئۆپـۆزسیۆن تیایدا به‌شـداری بکه‌ن و سه‌رۆکی نوێی هاوبه‌ندیـیه‌که‌ ئه‌حمه‌د ئه‌لجه‌ربا سه‌رۆکایه‌تی شاندی ئۆپـۆزسیۆن بکات.
به‌ڵام به‌ په‌یامنێرانی گوت هێشـتا ڕوون نیـیه‌ ئایه‌ جه‌نه‌ڕاڵ سه‌لیم ئیدریس سه‌رۆکی له‌شـکری ئازادی سوریا ئاماده‌ی کۆبوونه‌وه‌که‌ ده‌بێت یان نا.
گوتیشی بڕیاره‌ له‌و کۆبوونه‌وه‌یه‌دا باس له‌ کۆتایی‌هێنان به‌ توندوتیژی بکرێت و هه‌روه‌ها ئاماده‌کاریـیه‌کان بۆ کۆنگره‌ی دووه‌می جنێڤ و مافه‌کانی مرۆڤ و گه‌یاندنی کۆمه‌که‌ مرۆیـیه‌کان بۆ خه‌ڵـکی سیڤیل.
XS
SM
MD
LG