Accessibility links

عێراق گرێبه‌سـتێـکی کڕینی گاز له‌ ئێران مۆرده‌کات

  • VOA News

حکومه‌تی عێراق ڕێـکه‌وتنێـکی له‌گه‌ڵ ئێراندا مۆرکردووه‌ بۆ هاورده‌کردنی گازی سـروشتی له‌ ئێرانه‌وه‌، ده‌ڵێت بۆ به‌رهه‌مهێنانی وزه‌ی کاره‌با به‌کاردێت.
گوته‌بێژی وه‌زاره‌تی کاره‌بای عێراق موسعه‌ب ئه‌لموده‌رس ڕۆژی سێشه‌ممه‌ گوتی عێراق ئه‌م گرێبه‌سته‌ی له‌گه‌ڵ ئێراندا مۆرکرد‌ تاوه‌کو بۆ ماوه‌ی 4 سـاڵ ڕۆژانه‌ 25 ملیۆن مه‌تر چوارگۆشه‌ گازی سروشتی لێ بکڕێت به‌و نرخه‌ی له‌ بازاڕه‌ جیهانیـیه‌کاندا هه‌یه‌.
گوتیشی گازه‌که‌ له‌ ڕێـگه‌ی لوله‌یه‌که‌وه‌ هاورده‌ ده‌کرێت که‌ له‌ دوو مانگی داهاتوودا ڕاکێشـانی ته‌واو ده‌بێت.
گوتیشی گازه‌که‌ بۆ ویزگه‌ی کاره‌بای مه‌نسوریه‌ له‌ پارێزگای دیاله‌ و هه‌ردوو ویزگه‌ی قودس و سه‌در‌ له‌ به‌غدا دابین ده‌کرێت، تاوه‌کو 2500 مێـگاوات کاره‌بای پـێ به‌رهه‌م بهێنرێت. گرێبه‌سته‌که‌ ڕۆژی یه‌کشه‌ممه‌ مۆرکراوه‌.
XS
SM
MD
LG