Accessibility links

ئۆپـۆزسیۆنی سوریا خۆشحاڵی خۆی ده‌رده‌بڕێت به‌رامبه‌ر‌ دانانی باڵی سه‌ربازی حزبوڵڵا له‌ لیستی تێرۆرسـتاندا

  • VOA News

هاوبه‌ندی نیشـتیمانی ئۆپـۆزسیۆنی سوریا خۆشـحاڵی خۆی ده‌ربڕی له‌ به‌رامبه‌ر بڕیاره‌که‌ی ڕۆژی دووشه‌ممه‌ی یه‌کێتی ئه‌وروپا له‌ دژی حزبوڵڵای لوبنان.
هاوبه‌ندیـیه‌که‌ ڕۆژی سێشه‌ممه‌ له‌ به‌یانـنامه‌یه‌کدا گوتی بڕیاری یه‌کێتی ئه‌وروپا بۆ دانانی باڵی سه‌ربازی حزبوڵڵا له‌ لیستی کۆمه‌ڵه‌ تێرۆرسـتیـیه‌کاندا، هه‌نگاوێـکه‌ به‌ ئاڕاسته‌یه‌کی ڕاسـتدا.
پاشـان داوایکرد ڕابه‌رانی ئه‌م کۆمه‌ڵه‌ چه‌کداره‌ دادگایی بکرێن له‌سه‌ر ئه‌و ڕۆڵه‌ی له‌ شه‌ڕی ناو سوریادا بینیوایانه‌.
حزبوڵڵا لوبنان به‌ ئاشـکرایی پشـتیوانی له‌ ڕژێمی به‌شـار ئه‌سه‌د ده‌کات و چه‌کدارانی خۆی ڕه‌وانه‌ی سوریا ده‌کات تاوه‌کو له‌ دژی نه‌یارانی ڕژێمی سوریا شه‌ڕ بکه‌ن.
XS
SM
MD
LG