Accessibility links

قاعیده‌ ده‌ڵێت ئه‌و له‌ هێرشی سه‌ر هه‌ردوو به‌ندیخانه‌که‌ی عێراق به‌رپـرسیاره‌

  • VOA News

باڵی قاعیده‌ له‌ عێراق ده‌ڵێت ئه‌و به‌رپـرسیار له‌و دوو هێرشه‌ جودایه‌ی ڕۆژی دووشه‌ممه‌ کرانه‌ سه‌ر هه‌ردوو به‌ندیخانه‌ی ئه‌بو غرێب و تاجی له‌ نزیک به‌غدای پایته‌خت و بوونه‌ مایه‌ی کوژران و برینداربوونی به‌ ده‌یان که‌س و هه‌ڵاتنی ژماره‌یه‌ک زیندانیکراو.
ڕۆژی سێشه‌ممه‌ له‌ به‌یانـنامه‌یه‌کدا که‌ له‌ چه‌ند ماڵپه‌ڕێـکی نزیک له‌ کۆمه‌ڵه‌ توندڕه‌وه‌کانه‌وه‌ بڵاوکرایه‌وه‌، هاتووه‌ ده‌وڵه‌تی ئیسلامی عێراق و شام پاش چه‌ند مانگێـک له‌ نه‌خشه‌کێشان و پـلان‌دانان، هێرشیان کردووه‌ته‌ سه‌ر به‌ندیخانه‌ی ئه‌بو غرێب له‌ ڕۆژئاوای به‌غدا و به‌ندیخانه‌ی تاجی له‌ باکوری به‌غدا.
به‌یاننامه‌که‌ ده‌شڵێت ئه‌م هێرشه‌ له‌سه‌ر داوای به‌بو به‌کر ئه‌لبه‌غدادی ڕابه‌ری باڵی قاعیده‌ له‌ عێراق‌ کراوه‌.
به‌پـێی به‌یانـنامه‌که‌ زیاتر له‌ 500 زیندانیکراو ئازادکراون، به‌ڵام کاربه‌ده‌سـتانی عێراق ده‌ڵێن ته‌نها نزیکه‌ی 150 که‌س هه‌ڵاتوون.
XS
SM
MD
LG