Accessibility links

شاری دیترۆیتی ئه‌مه‌ریکا داوای ڕاگه‌یاندنی مایه‌پـوچی خۆی ده‌کات

  • VOA News

شـاری دیترۆیتی ویلایه‌تی میشیگن ده‌بێته‌ گه‌وره‌ترین شـاری ئه‌مه‌ریکا که‌ له‌ مێژوودا داوای ڕاگه‌یاندنی مایه‌پـوچی خۆی بکات، تاوه‌کو له‌ ڕێگه‌ی دادگاوه‌ خۆی له‌ قه‌رزدارانی ڕزگاربکات.
به‌ڕێوه‌به‌رێـکی دارایی که‌ له‌ لایه‌ن ویلایه‌تی میشیگنه‌وه‌ دانراوه‌، ڕۆژی پـێنجشه‌ممه‌ داواکه‌ی داوه‌ته‌ دادگای فیدراڵی تایبه‌ت به‌ مایه‌پوچی.
ده‌یڤد بنگ سه‌رۆکی شـاره‌وانی دیترۆیت ده‌ڵێت هیواداره‌ ئه‌م هه‌نگاوه‌ بـبێته‌ مایه‌ی سه‌رده‌مێـکی نوێی شـاره‌که‌ که‌ له‌ ئێسـتادا به‌ ده‌ست زیاتر له‌ 300 ملیۆن دۆلار له‌ که‌می بوجه‌ و قه‌رزاری نزیکه‌ی 14 ملیار دۆلار ده‌ناڵێنێت.
په‌سه‌ندکردنی داواکه‌ پـێویستی به‌ واژوی ڕیک سنایده‌ر فه‌رمانڕه‌وای ویلایه‌تی میشیگن هه‌یه‌‌.
شـاری دیترۆیت له‌ ڕابردوودا چواره‌م گه‌وره‌ترین شـاری ئه‌مه‌ریکا بوو و له‌ سـاڵی 1950 ژماره‌ی دانیشتوانی گه‌یشته‌ 1.8 ملیۆن که‌س، به‌ڵام له‌ ئه‌مڕۆدا بۆ 685 هه‌زار که‌س که‌مبووه‌ته‌وه، ئه‌مه‌ش‌ به‌هۆی زۆری تاوان له‌ شـاره‌که‌ و که‌مبوونه‌وه‌ی هه‌لی کار که‌ زیاتر له‌سه‌ر پـیشـه‌سـازی ئۆتۆمبیل به‌نده‌.
XS
SM
MD
LG