Accessibility links

قاعیده‌ی یه‌مه‌ن هه‌واڵی کوژرانی که‌سی دووه‌م خۆی به‌ هێرشی فڕۆکه‌ی بێ فڕۆکه‌وان پشـتڕاست ده‌کات

  • VOA News

لقی یه‌مه‌نی ئه‌لقاعیده‌ ڕایگه‌یاند سه‌عید ئه‌لشهری که‌سی دووه‌می ناو کۆمه‌ڵه‌که‌یان به‌ هێرشی فڕۆکه‌ی بێ فڕۆکه‌وانی ئه‌مه‌ریکا کوژراوه‌.
ئیبراهیم ئه‌لربیش به‌رپـرسی شه‌رعی کۆمه‌ڵه‌که‌ له‌ ڤیدیۆیه‌کدا که‌ ڕۆژی چوارشه‌ممه‌ له‌سه‌ر ئنته‌رنێت بڵاوکرایه‌وه‌، گوتی شهری به‌ چوار هێرشی ئاسـمانی کوژراوه‌.
جێی ئاماژه‌یه‌ ده‌سه‌ڵاتدارانی یه‌مه‌ن له‌ 25 ی مانگی یه‌ک له‌ به‌یانـنامه‌یه‌کدا هه‌واڵی کوشتنیان ڕاگه‌یاند و گوتیان له‌ کرده‌وه‌یه‌کدا له‌ دژی تێرۆر له‌ مانگی یازده‌ی 2012 له‌ پارێزگای سه‌عده‌ له‌ باکوری یه‌مه‌ن کوژراوه‌.
شهری که‌ به‌ ڕه‌چه‌ڵه‌ک سعودیـیه‌، بۆ ماوه‌ی 5 سـاڵ بوو له‌ به‌ندیخانه‌ی ئه‌مه‌ریکا له‌ گوانتانامۆ به‌ی زیندانی کرابوو به‌ر له‌وه‌ی له‌ سـاڵی 2007 ئازادبکرێت و بگه‌ڕێته‌وه‌ سعودیـیه‌ و پاشان په‌یوه‌ندی به‌ قاعیده‌ له‌ یه‌مه‌ن بکات.
XS
SM
MD
LG