Accessibility links

نه‌نته‌نیاهو: ڕوحانی گورگه‌ و له‌ پـێستی مه‌ڕدایه‌

  • VOA News

سه‌رۆک وه‌زیری ئیسرائیل بنیامین نه‌ته‌نیاهو ده‌ڵێت نابێت جیهان متمانه‌ به‌ سه‌رۆکی هه‌ڵبژێردراوی ئێران بکات، چونکه‌ گورگه‌ و له‌ پـێستی مه‌ڕدایه‌.
نه‌ته‌نیاهو له‌ میانه‌ی چاوپـێـکه‌وتنه‌که‌یدا له‌ به‌رنامه‌ی Face the Nation ی که‌ناڵی ته‌له‌فزیۆنی CBS ی ئه‌مه‌ریکایی گوتی هێشـتا ئێران هه‌نگاو به‌ره‌و پـێشـه‌وه‌ ده‌نێت له‌ به‌رنامه‌که‌ی بۆ دروسـتکردنی چه‌کی ناوکی، وه‌ ئه‌وه‌ی ده‌ڵێن سه‌رۆکێـکی میانڕه‌و وا به‌ڕێوه‌یه‌ ته‌نها ڕواڵه‌ته‌.
ڕابه‌ری ئیسرائیل داوای له‌ جیهان کرد له‌ ڕێگه‌ی سزای توندتر و هه‌ڕه‌شه‌ی کرده‌ی له‌شـکری گوشاره‌کانیان بۆ سه‌ر ئێران زیابکه‌ن تاوه‌کو به‌رنامه‌ ناوکیـیه‌که‌ی ڕابگرێت.
پـێده‌چێت ئیسرائیل مه‌ترسی هه‌بێت له‌وه‌ی هاتنی ڕوحانی بـبێته‌ مایه‌ی سووکردنی گوشاره‌کانی سه‌ر ئێران له‌ دانوسـتاندنه‌کاندا.
XS
SM
MD
LG