Accessibility links

ده‌زگای پاراستنی ڕووسیا ده‌گه‌ڕێته‌وه‌ بۆ به‌کارهێنانی‌ ئامێری چاپی کۆن تاوه‌کو زانیاریـیه‌کانی نه‌برێن

  • VOA News

میدیاکانی ناو ڕووسیا و به‌ تایبه‌تی ڕۆژنامه‌ی ئیزڤێستای لایه‌نگری حکومه‌ت ده‌ڵێن پاش ئه‌و زانیاریانه‌ی ئێدوارد سنودن کارمه‌ندی پـێشـووی ده‌زگای ئاسایشی نیشـتیمانی ئه‌مه‌ریکا ئاشـکرای کردن، ده‌زگای پاراستنی فیدراڵی ڕووسیا بڕیاری داوه‌ ئامێری چاپی میکانیکی کاره‌بایی جاران بکڕێت تاوه‌کو له‌ بری کۆمپـیوته‌ر به‌کاریانبهێنێت بۆ تۆمارکردنی زانیاریـیه‌کانیان و دڵنیا بێت له‌وه‌ی به‌ نهێنی ده‌مێنـنه‌وه‌.
به‌پـێی هه‌واڵه‌کان ئه‌م ده‌زگایه‌ی ڕووسیا که‌ به‌ FSO ده‌ناسرێت و به‌رپـرسیشه‌‌ له‌ پاراستنی کاربه‌ده‌سـتانی باڵای حکومه‌ت، له‌وانه‌ سه‌رۆک ڤلادیمیر پـوتن، بڕیاری داوه‌ به‌ به‌های 15 هه‌زار دۆلار ئامێری چاپی کۆن بکڕێت.
ده‌زگای FSO ئاماده‌ نه‌بووه‌ له‌م باره‌یه‌وه‌ هیچ لێدوانێـک بۆ ئاژانسی ده‌نگ‌وباسی فڕانس پـرێس بدات.
XS
SM
MD
LG