Accessibility links

بان‌کی‌مون نیگه‌رانی خۆی له‌ به‌رامبه‌ر ده‌سـتگیرکردنه‌کانی ناو میسر ده‌رده‌بڕێت

  • VOA News

سـکرتێری گشـتی نه‌ته‌وه‌ یه‌کگرتووه‌کان بان کی مون نیگه‌رانی خۆی ده‌ربڕی له‌ به‌رامبه‌ر به‌رده‌وامبوونی ده‌سـتگیرکردنه‌کان له‌ میسر و ئه‌و فه‌رمانانه‌ی دراون بۆ ده‌سـتگیرکردنی ڕابه‌رانی ئیخوان ئه‌لموسلیمین و سه‌رکردایه‌تیـیه‌ ئیسلامیـیه‌کانی دیکه‌.
ئۆفیسی سـکرتێری گشتی ڕۆژی پـێنجشه‌ممه‌ به‌یانـنامه‌یه‌کی له‌م باره‌یه‌وه‌ ده‌رکرد و تیایدا گوتویه‌تی‌، بان کی مون له‌ په‌یوه‌ندیـیه‌کی ته‌له‌فۆنیدا به‌ محه‌مه‌د کامل عه‌مرۆ وه‌زیری ده‌ره‌وه‌ی میسری گوتووه‌ ناکرێت بوار به‌ تۆڵه‌سه‌ندنه‌وه‌ بدرێت یان هه‌ر پارتێـکی سه‌ره‌کی و پـێـکهاته‌یه‌کی میسر وه‌لاوه‌بنرێت و پشـتگوێ بخرێن.
ئه‌م هه‌ڵوێسته‌ی بان کی مون پاش ئه‌وه‌ دێت که‌ ڕۆژی چوارشه‌ممه‌ داواکاری گشـتی میسر فه‌رمانی دا محه‌مه‌د به‌دیع ڕابه‌ری باڵای ئیخوان ئه‌لموسلیمین و چه‌ند سه‌رکردایه‌تیـیه‌کی دیکه‌ی ئیسلامی ده‌سـتگیربکرێن به‌ تاوانی هاندانی خه‌ڵـکی بۆ توندوتیژی.
XS
SM
MD
LG