Accessibility links

سه‌رۆکی پـێشووی ده‌زگای هه‌واڵگری سودان له‌ به‌ندیخانه‌ ئازاد ده‌کرێت

  • VOA News

عومه‌ر حه‌سه‌ن ئه‌لبه‌شیر سه‌رۆکی سودان

عومه‌ر حه‌سه‌ن ئه‌لبه‌شیر سه‌رۆکی سودان

سه‌رۆکی پـێشـووی ده‌زگای هه‌واڵگری سودان که‌ له‌ به‌ندیخانه‌دا بوو، ڕۆژی چوارشه‌ممه‌ به‌ لێبوردنێـکی سه‌رۆکایه‌تی ئازادکرا.
نه‌بیل ئادیب پارێزه‌ری سه‌ڵاح قوش به‌ ئاژانسی‌ ده‌نگ‌وباسی فڕانس پـرێسی گوت سه‌رۆک به‌شیر لێبوردنی ده‌رکرد بۆ قوش و هه‌موو ئه‌وانه‌ی هه‌وڵیان بۆ کۆده‌تاکه‌ دابوو و ئه‌مڕۆ له‌ یه‌که‌م ڕۆژی مانگی ڕه‌مه‌زاندا ئازادیان کردن.
سه‌ڵاح قوش و ژماره‌یه‌ک ئه‌فسه‌ری دیکه‌ له‌ مانگی یازده‌ی سـاڵی ڕابردوه‌وه‌ ده‌سـتگیرکرابوون به‌ تاوانی هه‌وڵی کوده‌تا به‌سه‌ر حوکمی عومه‌ر حه‌سه‌ن ئه‌لبه‌شیر سه‌رۆکی سودان.
جێی ئاماژه‌یه‌ سه‌ڵاح قوش ئه‌فسه‌رێـکی به‌هێزبوو و بۆ ماوه‌ی 10 سـاڵ به‌رپـرسی ده‌زگا سیخوڕیـیه‌کانی وڵاته‌که‌ی بوو‌ هه‌تا سـاڵی 2009 و پاشـان له‌ پـۆستی ڕاوێژکاری سه‌رۆک دانرا هه‌تا سـاڵی 2011 .
XS
SM
MD
LG