Accessibility links

له‌ دوو شـارۆچکه‌ی حه‌له‌ب خۆپـیشـاندان له‌ دژی ئیسلامیـیه‌ توندڕه‌وه‌کان ده‌کرێت

  • VOA News

کۆمه‌ڵه‌ی چاودێری مافه‌کانی مرۆڤی بنکه‌ له‌ به‌ریتانیا ڕۆژی چوارشه‌ممه‌ ڕایگه‌یاند که‌وا خه‌ڵـکی له‌ دوو شـارۆچکه‌ی حه‌له‌بی باکوری سوریا خۆپـیشـاندانی ناڕه‌زایـیان له‌ دژی ئیسلامیـیه‌ توندڕه‌وه‌کان سـازکردووه‌ که‌ ناوچه‌کانیان به‌ڕێوه‌ده‌به‌ن.
کۆمه‌ڵه‌که‌ ده‌ڵێت خۆپـیشـاندانه‌کان له‌ هه‌ردوو شـارۆچکه‌ی منبه‌ج و ته‌بو به‌ڕێوه‌چوون له‌ دژی کۆمه‌ڵی سه‌ر به‌ ئه‌لقاعیده‌ که‌ خۆیان به‌ ده‌وڵه‌تی ئیسلامی له‌ عێراق و شام ده‌ناسێنن.
خۆپـیشاندانه‌کان پاش ئه‌وه‌ ڕوویاندا که‌ ژماره‌یه‌ک له‌ مامۆستایانی ئاینی و مه‌لای مزگه‌وته‌کان له‌ لایه‌ن ئه‌و کۆمه‌ڵه‌وه‌ ده‌سـتگرکران. به‌پـێی قسه‌ی دانیشتوان نازانرێت بۆچی ئه‌و که‌سانه‌ ده‌سـتگیرکراون. هه‌روه‌ها ئه‌ندامانی کۆمه‌ڵه‌که‌ که‌وتوونه‌ته‌ هه‌راسانکردنی خه‌ڵـکی به‌ سه‌پاندنی بیروباوه‌ڕی توندی خۆیان به‌سه‌ریاندا.
خۆپـیشـانده‌ران داوای ئازادکردنی ده‌سـتگیرکراوان ده‌که‌ن و هه‌روه‌ها ئه‌و کۆمه‌ڵه‌ ناوچه‌که‌یان چۆڵ بکات.
XS
SM
MD
LG