Accessibility links

سه‌رۆکی کاتی میسر ئابوری ناسێـک بۆ پـۆسـتی سه‌رۆک وه‌زیری وڵاته‌که‌ی ده‌سـتنیشـان ده‌کات

  • VOA News

ئه‌حمه‌د ئه‌لموسلیمانی ڕاوێژکاری میدیای سه‌رۆکایه‌تی میسر گوتی سه‌رۆک عه‌دلی مه‌نسور دوو بڕیاری ده‌رکردووه‌ بۆ دانانی حازم ئه‌لببلاوی له‌ پـۆستی سه‌رۆک وه‌زیر و ده‌سـتنیشانکردنی محه‌مه‌د ئه‌لبه‌رادعی بۆ پـۆستی جێـگری سه‌رۆک بۆ کاروباری په‌یوه‌ندیـیه‌کانی ده‌ره‌وه‌.
هه‌رچه‌نده‌ پارتی ئازادی و دادپه‌روه‌ری ئیخوان ئه‌لموسلمینی سه‌ر به‌ محه‌مه‌د مورسی سه‌رۆکی له‌کارلابراو ئه‌م دوو بڕیاره‌ی ڕه‌تکرده‌وه‌، به‌ڵام پارتی نوری سه‌له‌فیـیه‌کان خۆشـحاڵی خۆیان له‌م باره‌یه‌وه‌ ده‌ربڕی.
محه‌مه‌د حه‌سه‌ن ئه‌ندامی سه‌رکردایه‌تی پارتی ئازادی و دادپه‌روه‌ری به‌ ڕادیۆ سه‌وای گوت پارته‌که‌ی دان به‌و حکومه‌ته‌دا نانێت و داوایکرد مورسی بگه‌ڕێنرێته‌وه‌ بۆ سه‌ر ده‌سه‌ڵات. ده‌ڵێت حکومه‌تی کاتی وڵاته‌که‌ی دیکتاتۆریـیه‌ته‌.
جێی ئاماژه‌یه‌ بـبلاوی وه‌زیر بوو له‌ یه‌که‌م حکومه‌تی پاش ڕوخاندنی سه‌رۆک حوسنی موباره‌ک و به‌ر له‌وه‌ سـکرتێری گشـتی لیژنه‌ی ئابوری ڕۆژئاوای ئاسیا بوو.
XS
SM
MD
LG