Accessibility links

سه‌رۆکایه‌تی میسر ڕه‌تی‌ده‌کاته‌وه‌ ئه‌لبه‌رادعی بۆ پۆسـتی سه‌رۆک وه‌زیر ده‌سـتنیشان کرابێت


سه‌رۆکایه‌تی میسر ئه‌و هه‌واڵانه‌ی ڕه‌تکرده‌وه‌ که‌ ده‌ڵێن عه‌دلی مه‌نسور سه‌رۆکی کاتی میسر داوای له‌ محه‌مه‌د ئه‌لبه‌رداعی کردووه‌ سه‌رۆکایه‌تی حکومه‌تی کاتی وڵاته‌که‌ بکات.
شه‌وی شه‌ممه‌ له‌ کۆنگره‌یه‌کی ڕۆژنامه‌وانیدا، ئه‌حمه‌د ئه‌لموسلیمانی ڕاوێژکاری میدیای سه‌رۆکی کاتی میسر گوتی هه‌تا ئه‌م ساته‌ که‌س بۆ سه‌رۆکایه‌تی حکومه‌ت ده‌سـتنیشـان نه‌کراوه‌ و هیچ کاتێـکیش بۆ ڕاگه‌یاندنی حکومه‌ت یان سه‌رۆکی حکومه‌ت دیارینه‌رکراوه‌.
هه‌رچه‌نده‌ گوتی به‌ مه‌به‌سـتی پـێـکهێنانی حکومه‌ت، سه‌رۆکی کاتی چاوی که‌وتووه‌ به‌ ژماره‌یه‌ک له‌ که‌سایه‌تیـیه‌کان، له‌وانه‌ محه‌مه‌د ئه‌لبه‌رادعی.
پاشـان ئه‌لموسلیمانی گوتی ئێمه‌ له‌ قۆناغێـکداین ده‌سه‌ڵاته‌کان تیایدا دابه‌ش ناکرێن و گوشار و هه‌ڕه‌شه‌کردن له‌ هیچ لایه‌نێـکی سیاسی قبوڵ ناکرێت، وه‌ هه‌ڵبژاردنی که‌سه‌کان له‌سه‌ر بنه‌مای لێهاتوویـیه‌ ده‌بێت، چونکه‌ ئه‌م حکومه‌ته‌ی پـێـکده‌هێنرێت بۆ ده‌ربازبوونه‌ له‌م قه‌یرانه‌ و ده‌بێت له‌ توانایدا ببێت به‌سه‌ر ئه‌م قۆناغه‌ی ئێسـتادا تێپه‌ڕببێت.
هه‌روه‌ها ڕاوێژکاری میدیای سه‌رۆکی کاتی گوتیشی تێڕوانینی سه‌رۆکایه‌تی بۆ کۆماری نوێ ئه‌وه‌یه‌ هه‌مووی له‌خۆده‌گرێت و هیچ که‌سێـک وه‌لاوه‌ نانرێت جا له‌ هه‌رچی لایه‌نێـک و ڕه‌وتێـک بـبێت.
XS
SM
MD
LG