Accessibility links

سه‌رۆکی بۆلیڤیا هه‌ڕه‌شه‌ی داخسـتنی باڵیۆزخانه‌ی ئه‌مه‌ریکا ده‌کات

  • VOA News

سه‌رۆکی بۆلیڤیا ئیڤۆ مۆرالیس هه‌ڕه‌شه‌ی داخسـتنی باڵیۆزخانه‌ی ئه‌مه‌ریکای کرد و ده‌ڵێت پـێویسـتیان پـێی نیـیه‌.
ئه‌مڕۆ پـێـنجشه‌ممه‌ له‌ میانه‌ی کۆبوونه‌وه‌ی له‌گه‌ڵ سه‌رۆکانی ئه‌رجه‌نتین و ئێکوادۆر و سورینام و ئۆرگوای و ڤه‌نزوێلا له‌ شـاری کۆچابامبا مۆرالیس ئه‌مه‌ی ڕاگه‌یاند و گوتی ئێمه‌ش وڵاتێکین شکۆمه‌ندی و سه‌روه‌ری خۆمان هه‌یه‌.
پاشـان سه‌رۆکه‌کان پـێـکه‌وه‌ داوایان له‌ فه‌ڕه‌نسـا و ئیتالیا و پـورتوگال و ئیسپانیا کرد داوای لێبوردن بکه‌ن له‌ به‌رامبه‌ر نه‌دانی مۆڵه‌ت به‌ فڕینی فڕۆکه‌که‌ی مۆرالیس به‌ ئاسـمانی وڵاته‌کانیاندا له‌ ڕۆژی سێشه‌ممه‌دا، ئه‌مه‌ش به‌ گومانی هه‌بوونی ئێدوارد سنۆدنی کارمه‌ندی پـێشووی ده‌زگای ئاسایشی نیشـتیمانی ئه‌مه‌ریکا له‌ فڕۆکه‌که‌دا.
فڕۆکه‌که‌ که‌ له‌ ڕووسیاوه‌ هاتبوو ناچارکرا له‌ فڕۆکه‌خانه‌یه‌کی نه‌مسا بنیشێته‌وه‌ تاوه‌کو به‌ دوای سنۆدندا بگه‌ڕێن. دواتر بۆ ڕۆژی چوارشه‌ممه‌ ڕێگه‌ به‌ فڕۆکه‌که‌ درا بڕوات پاش ئه‌وه‌ی دڵنیا بوون سنۆدنی تیادا نیـیه‌.
XS
SM
MD
LG