Accessibility links

یه‌کێتی ئافریکا میسر له‌ ئه‌ندامێتی ڕێکخراوه‌که‌ ڕاده‌گرێت

  • VOA News

یه‌کێتی ئافریکا وڵاتی میسری له‌ ئه‌ندامێتی ڕێکخراوه‌که‌ ڕاگرتووه‌ وه‌ک په‌رچه‌کردارێک به‌رامبه‌ر لادانی موحه‌مه‌د مورسی سه‌رۆکی میسر له‌ پۆسته‌که‌ی.

ئه‌نجومه‌نی ئاشتی و ئاسایشی یه‌کێتی ئافریکا ئه‌مڕۆ هه‌ینی ئه‌و بڕیاره‌ی خۆی داوه‌ له‌ میانه‌ی کۆبوونه‌وه‌یه‌ک له‌ پایته‌ختی ئه‌ثیوپیا.

یه‌کێتی ئافریکا له‌ تۆڕی تو‌یته‌ر ده‌ڵێت ئه‌م بڕیاره‌ کاردانه‌وه‌یه‌ به‌رامبه‌ر له‌کار لادانی موحه‌مه‌د مورسی سه‌رۆکی هه‌ڵبژێردراوی میسر. ئه‌م ڕێکخراوه‌ که‌ له‌ ئه‌ندامێتی 54 وڵات پێکهاتووه‌ ده‌شڵێت شاندێک ده‌نێرێت بۆ میسر به‌مه‌به‌ستی کارکردن له‌سه‌ر سه‌قامگیریی ده‌ستوریی له‌ وڵاته‌که‌دا.

یه‌کێتی ئافریکا پێشتریش هه‌نگاوی له‌و شێوه‌یه‌ی ناوه‌ بۆ ڕاگرتنی ئه‌ندامێتی ئه‌و وڵاتانه‌ی کوده‌تایان تیادا ڕووداوه‌ له‌وانه‌ مه‌ده‌گسکه‌ر گینیا بیساو و کۆماری ئافریکای ناوه‌ڕاستیش.
XS
SM
MD
LG