Accessibility links

زنجیره‌یه‌ک ته‌قینه‌وه‌ ناوه‌ڕاست و باشوری عێراق ده‌گرێته‌وه‌ و 41 که‌س ده‌کوژرێن

  • VOA News

ئه‌مڕۆ سێشه‌ممه‌ به‌ ده‌یان که‌س له‌ عێراق کوژراون یان برینداربوون، ئه‌مه‌ش له‌ ئاکامی ته‌قینه‌وه‌ی ژماره‌یه‌ک ئۆتۆمبیلی بۆمبڕێژکراو و بۆمبی چێنراو له‌ ناوه‌ڕاست و باشوری وڵاته‌که‌ و هه‌روه‌ها شه‌ڕ و پـێـکدادانێـکیش له‌ ناوچه‌ی به‌عاجی موسڵ.
به‌پـێی ئاماره‌ سه‌ره‌تایـیه‌کان 11 ئۆتۆمبیلی بۆمبڕێژکراو ته‌قیونه‌ته‌وه‌ و به‌ لایه‌نی 41 که‌س کوژراون و 143 که‌س برینداربوون.
ناوچه‌ی حوڕیـیه‌ی به‌غدا، ئۆتۆمبیلێـکی بۆمبڕێژکراو ته‌قیوه‌ته‌وه‌، 3 که‌س کوژراون و 13 که‌س برینداربوون.
ناوچه‌ی ڕه‌حمانیـیه‌ی به‌غدا‌، دوو ئۆتۆمبیل ته‌قیونه‌ته‌وه‌، 6 که‌س کوژراون و 20 که‌سیش برینداربوون.
گه‌ڕه‌کی عه‌ده‌نی ناوچه‌ی شه‌عبی به‌غدا، ئۆتۆمبیلێـک ته‌قیوه‌ته‌وه‌ 4 که‌س کوژراون و 15 که‌س برینداربوون.
ناوچه‌ی که‌مالیه‌ی به‌غدا، ئۆتۆمبیلێـکی بۆمبڕێژکراو ته‌قیوه‌ته‌وه‌، 3 که‌س کوژراون و 11 که‌س برینداربوون.
ناوچه‌ی ده‌شیری باشوری به‌غدا، ئۆتۆمبیلێـک ته‌قیوه‌ته‌وه‌، 2 که‌س کوژراون و 10 ی دیکه‌ برینداربوون.
ناوچه‌ی ئه‌بو غرێبی ڕۆژئاوای به‌غدا، ئۆتۆمبیلێـکی بۆمبڕێژکراو له‌ نزیک بازاڕێـک ته‌قیوه‌ته‌وه‌، 3 که‌س کوژراون و 14 که‌س برینداربوون.
شاری عماره‌ی ناوه‌ندی پارێزگای مه‌یسانی باشوری عێراق، له‌ شه‌قامی دیجله‌ ئۆتۆمبیلێـک ته‌قیوه‌ته‌وه‌، 4 که‌س کوژراون و 18 که‌سیش برینداربوون.
شاری سه‌ماوه‌ی ناوه‌ندی پارێزگای موسه‌نا، ئۆتۆمبیلێـکی بۆمبڕێژکراو ته‌قیوه‌ته‌وه‌، 4 که‌س کوژراون و 13 که‌س برینداربوون.
شـاری به‌سره‌ی باشوری وڵاته‌که‌، 2 ئۆتۆمبیلی بۆمبڕێژکراو ته‌قیونه‌ته‌وه‌ له‌ نزیک ئوتێلی مه‌ناوی پاشا، 6 که‌س برینداربوون.
شـاری باقوبه‌ی ناوه‌ندی پارێزگای دیاله‌، له‌ ناوچه‌ی سه‌یف سه‌عد، بۆمبێـکی چێنراو له‌ نزیک شوێنی پـرسه‌یه‌کدا ته‌قیوه‌ته‌وه‌، که‌سێـک کوژراوه‌ و 19 ی دیکه‌ برینداربوون.
ناوچه‌ی به‌عاجی باکوری ڕۆژئاوای عێراق له‌ نزیک سـنووری سوریا، پـێـکدادان له‌ نێوان هێزه‌کانی پـۆلیس و کۆمه‌ڵێـک چه‌کدار ڕوویداوه‌ و له‌ ئاکامدا 4 پـۆلیس و 7 چه‌کدار کوژراون و 5 پـۆلیس ‌ برینداربوون.
XS
SM
MD
LG