Accessibility links

سه‌ردانه‌که‌ی نوری مالیکی بۆ ڕووسیا

  • Goran Tawfeeq

له‌ پاش ڕزگاربوونی عێراق له‌ سزای به‌ندی حه‌وته‌می نه‌ته‌وه‌ یه‌کگرتووه‌کان نوری ئه‌لمالیکی سه‌رۆک وه‌زیر گه‌شتێـکی بۆ ده‌ره‌وه‌ی وڵات سـازکرد و یه‌که‌م ویزگه‌ی سه‌ردانه‌که‌شی بۆ ڕووسیا بوو. که‌ به‌ ڕاوبۆچوونی ئه‌ندامانی ئیتیلافی ده‌وڵه‌تی یاسا ئامانج له‌ سه‌ردانه‌که‌ به‌شداریکردنه‌ له‌ کۆنگره‌ی وزه‌، هاوکات گفتوگۆکردنیشه‌ له‌سه‌ر قۆناغی دوای لابردنی سـزای نێوده‌وڵه‌تی و ئازادبوونی عێراق له‌ بڕیار و سه‌روه‌ری خاکه‌که‌ی.
به‌ڵام به‌ ڕاوبۆچوونی به‌شێـکی زۆری لایه‌نه‌ سیاسیـیه‌کان کۆبوونه‌وه‌ی مالیکی له‌گه‌ڵ سه‌رۆک وه‌زیر و گه‌وره‌ به‌رپـرسـانی باڵای مۆسـکۆ بۆ‌ کاراکردنی گرێبه‌ست و کڕینی چه‌ک و به‌هێزکردنی سوپای عێراقه‌ به‌ ته‌کنه‌لۆجیای نوێ.
سه‌رۆکی لیژنه‌ ئاسایش و به‌رگری په‌رله‌مانی عێراق حه‌سه‌ن سنێد ده‌ڵێت وه‌فده‌ باڵاکه‌ی حکومه‌تی عێراق به‌ سه‌رۆکایه‌تی مالیکی بۆ ڕووسیا ئامانجی پته‌وکردنی په‌یوه‌ندیـیه‌کانی نێوان به‌غدا و مۆسـکۆیه‌ له‌سه‌ر هه‌موو ئاسـتێـکی په‌ره‌پـێدانی بازرگانی و کرانه‌وه‌ عێراق به‌ ڕووی کۆمپانیا ڕووسیـیه‌کان بۆ کارکردنیان له‌ عێراق که‌ ئه‌م هه‌نگاوه‌ش ده‌بێته‌ به‌هێزکردنی په‌یوه‌ندیـیه‌کی ئابوری له‌ نێوانیاندا.
XS
SM
MD
LG