Accessibility links

مه‌سـعود عه‌بدولخالق له‌ باره‌ی درێژکردنه‌وه‌ی ماوه‌ی سه‌رۆکایه‌تی مه‌سـعود بارزانی ده‌دوێت

  • Omar Farhadi

بڕیاره‌که‌ی په‌رله‌مانی هه‌رێمی کوردسـتانی عێراق له‌ کۆبوونه‌وه‌که‌ی ڕۆژی یه‌کشه‌ممه‌ی 30 ی مانگی شه‌ش، بۆ درێژکردنه‌وه‌ی ماوه‌ی سه‌رۆکایه‌تی به‌ڕێز مه‌سـعود بارزانی له‌ پــۆسـتی سه‌رۆکی هه‌رێمی کوردسـتان، هه‌ڵوێست و لێـکدانه‌وه‌ و شیـکردنه‌وه‌ی جیاوازی لێـکه‌وته‌وه‌.
هه‌ندێـک له‌گه‌ڵ بڕیاره‌که‌دا بوون و هه‌ندێـکیش به‌ پـێچه‌وانه‌ و به‌ پـێشـێـلکردنی یاسا و مافی گه‌لیان هه‌ژمارکرد.
فراکسیۆنه‌کانی ئۆپـۆزسیۆنی سه‌ر به‌ لیسته‌کانی گۆڕان و یه‌کگرتوو و کۆمه‌ڵی ئیسلامی و ئاینده‌ هه‌ڵوێسـتی خۆیان دژ به‌ بڕیاره‌که‌ ڕاگه‌یاند و پارتی دیموکراتی کوردستان و یه‌کێتی نیشـتیمانی کوردسـتان و لایه‌نانی سیاسی دیکه‌ش هه‌مان هه‌ڵوێسـتی پاڵپـشـتیکردنی ده‌رچوونی بڕیاره‌که‌یان کرد.
به‌ گشـتی له‌ ڕۆژنامه‌ و گۆڤار و ڕادیۆ و ته‌له‌فیزیۆن و ماڵپه‌ڕی ئنته‌رنێتی هه‌واڵ و ڕاوبۆچوونی جیاجیایان ڕاگه‌یاند و بڵاوکرده‌وه‌.
له‌ په‌یوه‌ندیـیه‌کی ته‌له‌فۆنیدا له‌گه‌ڵ به‌ڕێز مه‌سـعود عه‌بدولخالق نووسه‌ر و ڕۆژنامه‌نووس و شیکه‌ره‌وه‌ی سیاسی بۆ ده‌نگی ئه‌مه‌ریکا ڕاوبۆچوونی خۆی ده‌ربڕی که‌ له‌ درێژه‌ی ڕاپـۆرته‌که‌دایه‌.
XS
SM
MD
LG