Accessibility links

عه‌بدوڵڵا‌ حیجاب: ئه‌ردۆغان سیاسه‌توانێکی پراگماتیکه‌

  • Shwan Said

پتر له‌ سێ هه‌فته‌ له‌مه‌وبه‌ر خۆپیشاندانی ئاشتیانه‌ی گۆڕه‌پانی ته‌قسیمی ئسته‌نبوڵ هه‌ڵگیرسا، به‌رامبه‌ر به‌ نه‌خشه‌شیه‌کی بیناسازی حکومه‌ت له‌و ناوچه‌یه‌دا. دواتر خۆپیشادانه‌کان ڕویه‌کی سیاسیان له‌ خۆ گرت له‌ دژی هه‌ندێ رێوشوێنی حکومه‌تی مه‌یل ئیسلامی سه‌رۆك وه‌زیران ڕه‌جه‌ب ته‌یب ئه‌ردۆگان، وه‌ك سنور دانان بۆ مه‌ی نۆشین و ڕێنمایـیه‌کانی تر ئه‌وانه‌ی کۆمه‌ڵانی خه‌ڵکی تورکیا به‌ پێشێلکردنی مافه‌ مه‌ده‌نیـیه‌کانیان لێکیده‌ده‌نه‌وه‌.
له‌ به‌رمبه‌ردا وه‌ك چاودێران ئاماژه‌ی پـێده‌ده‌ن حکومه‌تی ئه‌ردۆگان به‌ هێزی ڕاده‌به‌ده‌ر به‌رپه‌رچی خۆپیشانده‌رانیان دایه‌وه‌، له‌ وتارێکیشدا بۆ ئه‌ندامانی پارته‌که‌ی له‌ په‌رله‌مانی تورکیادا به‌ڕێز ئه‌ردۆگان ڕایگه‌یاند که‌ هێزی ده‌ره‌کی هانی خۆپیشاندانه‌کان ده‌ده‌ن بۆ کۆسپ خستنه‌ به‌ر پێشکه‌وتنی وڵاته‌که‌ی، به‌ڵام ناوبراو ناوی ئه‌و هێزانه‌ی نه‌هێنا.
شاره‌زای کاروباری ڕۆژهه‌ڵاتی ناڤین، ڕێزدار عه‌بدوڵڵا حیجاب ده‌ڵێت هه‌رچه‌نده‌ پارتی داد و گه‌شه‌پـێدانی ئه‌ردۆگان هێشتا گه‌وره‌ترین پارتی تورکیان، به‌ڵام پێگه‌ی سیاسی خودی ئه‌ردۆگان وه‌ك جاران نه‌ماوه‌.
ناوبراو ده‌شڵێت پشێوی ڕه‌وشی هه‌نوکه‌ی بێ گومان کاریگه‌ری خراپی ده‌بێت له‌سه‌ر پرۆسه‌ی ئاشتی نێوان تورکیاو پارتی کرێکارانی کوردستان په‌که‌که‌.
XS
SM
MD
LG