Accessibility links

ژه‌نه‌ڕاڵێکی خانه‌نشین به‌ گومانی ئاشکراکردنی زانیاری لێکۆڵینه‌وه‌ی له‌گه‌ڵدا ده‌کرێت

  • VOA News

میدیای ئه‌مه‌ریکا ڕاده‌گه‌یه‌نێت جێگری پێشووی به‌ڕێوه‌به‌ری ستونه‌ له‌شکرییه‌کان لێکوڵینه‌وه‌ی له‌گه‌ڵدا ده‌کرێت، له‌سه‌ر ئاشکراکردنی زانیاری نهێنی سه‌رباره‌ت به‌ هێرشی کۆمپیوته‌ری بۆ سه‌ر کارگه ناوکییه‌کانی ئێران.
که‌ناڵی NBC و ڕۆژنامه‌ی واشنتۆن پۆست ڕایانگه‌یاند وه‌زاره‌تی دادی ئه‌مه‌ریکا لێکۆڵینه‌وه‌ له‌گه‌ڵ ژه‌نه‌ڕاڵی خانه‌نشین جێمس کارتڕایت ده‌کات سه‌باره‌ت به‌و تۆمه‌تانه‌ی گوایه‌ ڕاپۆرتی له‌سه‌ر زانیاری ڤایرۆسی کۆمپیۆته‌ری داوه‌.
واشنتۆن پۆست نووسیویه‌تی به‌رنامه‌ی سته‌کسنێت به‌شێک بوو له‌ ئۆپه‌راسیۆنی بردنی زانیاری له‌ کۆمپیوته‌ر که‌ ناوی لێنرابوو " گه‌مه‌کانی ئۆلۆمپیاد" ئه‌م ئۆپه‌راسیۆنه‌ش له‌ ده‌می حکومه‌ته‌که‌ی سه‌رۆکی پێشوو جۆرج بوش دانرابوو. ڕۆژنامه‌ی نیویۆرک تایمز له‌ ڕاپۆرتێکی سـاڵی ڕابردوودا بڵاویکرده‌وه‌ کارتڕایت ئه‌و ئۆپه‌راسیۆنه‌ی به‌ڕێوه‌ ده‌برد.
حکومه‌ی ئێران له‌ مانگی 11 ی ساڵێ 2010 دا ڕایگه‌یاند ڤایرۆسێکی کۆمپیوته‌ری بۆ ماوه‌یه‌کی کاتی هه‌وڵه‌کانی پیتاندنی یۆرانیۆمی ئێرانی ڕاگرتووه‌.
XS
SM
MD
LG