Accessibility links

عێراق له‌ ژێر به‌ندی حه‌وتی نه‌ته‌وه‌ یه‌کگرتووه‌کان ڕزگاری ده‌بێت

  • VOA News

ئه‌نجومه‌نی ئاسایشی نه‌ته‌وه‌ یه‌کگرتووه‌کان ئه‌مڕۆ پـێـنجشه‌ممه‌ بڕیارێـکی په‌سه‌ندکرد بۆ لادانی عێراق له‌ ژێر به‌ندی حه‌وتی په‌یمانـنامه‌ی نه‌ته‌وه‌ یه‌کگرتووه‌کان.
بڕیاری ژماره‌ 2107 به‌ تێکڕای ده‌نگ په‌سه‌ندکرا، پاش ئه‌وه‌ی سـکرتێری گشتی نه‌ته‌وه‌ یه‌کگرتووه‌کان داوایه‌کی بۆ ئه‌م مه‌به‌سته‌ خسته‌ به‌رده‌م ئه‌نجومه‌نه‌که‌، ئه‌مه‌ش له‌ دوای یاداشتنامه‌ هاوبه‌شه‌که‌ی که‌ له‌ لایه‌ن کوه‌یت و عێراقه‌وه‌ بۆی ڕه‌وانه‌کرابوو.
جێی وه‌بیرهێنانه‌وه‌یه‌ عێراق له‌ سـاڵی 1990 وه‌ له‌ ژێر ئه‌و به‌نده‌دا بوو، به‌هۆی ئه‌و شـاڵاوه‌ی عێراق له‌ سه‌رده‌می ڕژێمی سه‌دام حسێندا کردیـیه‌ سه‌ر وڵاتی کوه‌یت.
بڕیاره‌که‌ی ئه‌مڕۆی ئه‌نجومه‌نی ئاسایش داوا له‌ عێراق ده‌کات به‌رده‌وام بـبێت له‌ قه‌ربووکردنه‌وه‌ی کوه‌یتیـیه‌کان و‌ گه‌ڕان به‌ دوای چاره‌نووسی ئه‌و که‌سانه‌ی له‌و شاڵاوه‌‌دا بێ سه‌روشوێن کراون.
XS
SM
MD
LG