Accessibility links

ڕابه‌ری چه‌کداره‌ توندڕه‌وه‌کانی سۆماڵ ده‌سـتگیرده‌کرێت

  • VOA News

کاربه‌ده‌سـتان له‌ ناوه‌ندی سۆماڵ ده‌ڵێن شێخ حه‌سه‌ن تاهیر ئه‌وه‌یسی که‌ له‌ لایه‌ن زۆر که‌سه‌وه‌ به‌ ڕابه‌ری ڕوحی کۆمه‌ڵی شه‌بابی توندڕه‌و داده‌نرێت ده‌سـتگیرکراوه‌.
کاربه‌ده‌سـتان به‌ به‌شی سۆماڵی ده‌نگی ئه‌مه‌ریکایان گوت شێخ حه‌سه‌ن به‌یانی ئه‌مڕۆ چوارشه‌ممه‌ له‌ ناوچه‌ی حیمین و حیب له‌ ناوه‌ندی سۆماڵ ده‌سـتگیرکراوه‌. ده‌ڵێن به‌بێ شه‌ڕ خۆی‌به‌ده‌سـته‌وه‌داوه‌.
له‌ ئێستادا حکومه‌تی فیدراڵی سۆماڵ له‌ وتووێژدایه‌ له‌گه‌ڵ کاربه‌ده‌سـتانی ناوچه‌که‌ تاوه‌کو شێخ حه‌سه‌نی ڕاده‌ستبکه‌ن.
شێخ حه‌سه‌ن تاهیر ئه‌وه‌یسی ته‌مه‌نی له‌ حه‌فتاکانه‌دایه‌ و به‌ر له‌وه‌ی له‌گه‌ڵ کۆمه‌ڵی شه‌باب یه‌کبگرێت، سه‌رکردایه‌تی هاوپه‌یمانی چه‌ند کۆمه‌ڵێـکی کردووه‌ له‌ دژی حکومه‌ته‌ کاتیـیه‌که‌ی به‌ پاڵپـشـتی نه‌ته‌وه‌ یه‌کگرتووه‌کانه‌وه‌ پـێـکهێنرابوو.
XS
SM
MD
LG