Accessibility links

پـوتن: سنۆدن له‌ فڕۆکه‌خانه‌ی مۆسـکۆیه‌ و ڕاده‌سـتی ئه‌مه‌ریکا ناکرێته‌وه‌

  • VOA News

سه‌رۆکی ڕووسیا ڤلادیمیر پـوتن ده‌ڵێت ئێدوارد سنۆدنی کارمه‌ندی پـێشـووی ده‌زگای CIA له‌ ترانزێتی فڕۆکه‌خانه‌ی مۆسـکۆیه‌ و ڕاده‌سـتی ئه‌مه‌ریکای ناکرێته‌وه‌.
پـوتن ئه‌مڕۆ سێشه‌ممه‌ له‌ میانه‌ی سه‌ردانێـکیدا بۆ وڵاتی فلاند ئه‌مه‌ی ڕاگه‌یاند و ئه‌و ئیدیعایانه‌ی ڕه‌تکرده‌وه‌ که‌ ده‌ڵێن ڕووسیا یاسای پـێشـێلکردووه‌ له‌ مه‌سه‌له‌ی سنۆدندا. گوتی ئه‌وانه‌ قسه‌ی پـڕوپوچن، چونکه‌ ڕووسیا هیچ ڕێـکه‌وتنێـکی له‌گه‌ڵ ئه‌مه‌ریکادا نیـیه‌ بۆ ڕاده‌سـتکردنی داواکراوان.
گوتیشی‌ سنۆدن هیچ کارێـکی به‌ پـێچه‌وانه‌ی یاسای ڕووسیا نه‌کردووه‌، بۆیه‌‌ ئازاده‌ که‌ی بیه‌وێت وڵاته‌که‌ جێبهێڵێت، به‌ڵام هه‌تا زووتر بڕوات باشتره‌. هیواشی خواست ئه‌م مه‌سه‌له‌یه‌ کار نه‌کاته‌ سه‌ر په‌یوه‌ندیـیه‌کان نێوان مۆسـکۆ و واشنتن.
XS
SM
MD
LG