Accessibility links

ئۆجه‌لان پـێشـنیار ده‌کات قۆناغی دووه‌می پـرۆسه‌ی ئاشـتی به‌ ئاشکرایانه‌ به‌ڕێوه‌بچێت

  • VOA News

عه‌بدوڵڵا ئۆجه‌لان ڕابه‌ری زیندانیکراوی پارتی کرێـکارانی کوردسـتان پـێشـنیاری کردووه‌ قۆناغی دووه‌می پـرۆسه‌ی ئاشـتی نێوان حکومه‌تی تورکیا و پارته‌که‌ی و لایه‌نه‌کانی دۆسـتی به‌ شێوه‌یه‌کی ئاشـکرایانه‌ به‌ڕێوه‌بچێت.
ئۆجه‌لان دوێنێ دووشه‌ممه‌ ئه‌مه‌ی بۆ ئه‌و شـانده‌ی پارتی ئاشـتی و دیموکراسی به‌ده‌په‌ ڕاگه‌یاندبوو که‌ له‌ زیندانی ئیمرالی سه‌ردانیان کردبوو.
به‌ده‌په‌ ئه‌مڕۆ سێشه‌ممه‌ له‌ به‌یانـنامه‌یه‌کدا گوتی ئۆچه‌لان به‌ سه‌ڵاحه‌دین ده‌میرتاش هاوسه‌رۆکی به‌ده‌په‌ و په‌روین بوڵدان جێگری سه‌رۆکی فراکسیۆنی به‌ده‌په‌ له‌ په‌رله‌مانی تورکیای گوتووه‌ ئه‌م پـێشـنیاره‌ی بۆ کاربه‌ده‌سـتانی حکومه‌ت کردووه‌.
ئۆچه‌لان هیواشی خواستووه‌‌ که‌سانی لایه‌نگری دیموکراسی و ئاشتی پـشـتیوانی له‌ گفتوگۆکان بکه‌ن و هاوکاری بکه‌ن بۆ سه‌رخسـتنی دانوسـتاندنه‌کان.
خه‌جیجان فارقین په‌یامنێری ده‌نگی ئه‌مه‌ریکا له‌ ئامه‌د ڕاپـۆرتی له‌م باره‌یه‌وه‌ ناردووه‌. ده‌خیلی شه‌ممۆش له‌ به‌شی کوردی ده‌نگی ئه‌مه‌ریکا وتووێژی له‌گه‌ڵ ئه‌حمه‌د ئینان سیاسه‌تمه‌داری کورد له‌ ئامه‌د کردووه‌.

XS
SM
MD
LG