Accessibility links

ژماره‌یه‌ک چه‌کدار هێرش ده‌که‌نه‌ سه‌ر کۆشـکی سه‌رۆکایه‌تی ئه‌فغانسـتان


ده‌سه‌ڵاتدارانی ئه‌فغانسـتان ده‌ڵێن هێزه‌کانی ئاسایش زوویه‌کی ئه‌مڕۆ سێشه‌ممه‌ به‌رپه‌رچی هێرشی کۆمه‌ڵێـک چه‌کداریان داوه‌ته‌وه‌ له‌ نزیک کۆشـکی سه‌رۆکایه‌تی له‌ کابولی پایته‌خت و هه‌موو هێرشبه‌ره‌کان کوژراون.
جه‌نه‌ڕاڵ ئه‌یوب سه‌لانجی سه‌رۆکی پـۆلیسی کابول به‌ ئاژانسی ده‌نگ‌وباسی ڕۆیته‌رزی گوت شه‌ڕه‌که‌ بۆ 90 خوله‌ک به‌رده‌وام بووه‌. کاربه‌ده‌سـتانی ئه‌فغانی ده‌ڵێن 5 هێرشبه‌ر و 2 پاسه‌وانی ئه‌فغانی کوژراون.
تاڵیبان به‌رپـرسیارێتی خۆی له‌م هێرشه ڕاگه‌یاند که‌ له‌ ناوچه‌یه‌کدا بووه‌ به‌ توندی له‌ لایه‌ن هێزه‌کانی ئاسایشه‌وه‌ گیراوه‌ و هه‌روه‌ها شوێنی وه‌زاره‌تی به‌رگری و باڵیۆزخانه‌ی ئه‌مه‌ریکاشه‌.
کاربه‌ده‌سـتان ده‌ڵێن هێرشه‌که‌ له‌و ده‌مه‌دا بووه‌ که‌ ژماره‌یه‌ک ڕۆژنامه‌وان گردبووبوونه‌وه‌ بۆ سـازکردنی گۆنگره‌یه‌کی ڕۆژنامه‌وانی بۆ سه‌رۆک حامد کارزایی.
XS
SM
MD
LG