Accessibility links

ته‌له‌فیزیۆنی ئێران چاوپـێـکه‌وتنێـکی کۆنی ڕوحانی له‌ باره‌ی به‌رنامه‌ ناوکیـیه‌که‌وه‌ دووباره‌ په‌خش ده‌کاته‌وه‌

  • VOA News

ته‌له‌فیزیۆنی ده‌وڵه‌تی ئێران ئه‌مڕۆ هه‌ینی دووباره‌ ئه‌و چاوپـێـکه‌وتنه‌ی په‌خشکرده‌وه‌ که‌ چوار مانگ له‌مه‌وبه‌ر له‌گه‌ڵ حه‌سه‌ن ڕوحانی سه‌رۆکی نوێی ئێران سـازکرابوو و تیایدا باسی له‌ شیانی گه‌یشتن به‌ ڕێکه‌وتن له‌گه‌ڵ ڕۆژئاوا کردبوو له‌ باره‌ی به‌رنامه‌ ناوکیـیه‌که‌وه‌.
پـێده‌چێت ئه‌م په‌خشه‌ به‌ مه‌به‌سته‌وه‌ بووبێت تاوه‌کو جه‌خت بکرێته‌ سه‌ر به‌ڵێنه‌کانی ڕوحانی به‌ پـێاده‌کردنی ڕێبازێـکی میانڕه‌و و زیاتر کراوه‌‌ بۆ چاره‌سه‌رکردنی کێشه‌ی به‌رنامه‌ ناوکیـیه‌که‌.
جێی ئاماژه‌یه‌ ڕوحانی له‌ چاوپـێـکه‌وتنه‌که‌یدا گوتبووی ئه‌گه‌ربێت و ئه‌و بـبێته‌ سه‌رۆک ئه‌وا هه‌وڵ ده‌دات ئه‌مه‌ریکا و هاوپه‌یمانه‌کانی قایل بکات به‌وه‌ی به‌ وتووێژ و دانوسـتاندن کێشه‌کان چاره‌سه‌ر ده‌کرێن نه‌ک سزاکان.
گوتوشیه‌تی ڕه‌نگه‌ ئێران به‌ ڕێـکه‌وتنێـک له‌گه‌ڵ ڕۆژئاوادا بگات که‌ ڕێگه‌ی پـێـبدات به‌رده‌وام بێت له‌ پـیتاندنی یۆرانیۆم و له‌ هه‌مان کاتیشـدا دڵنیایان بکاته‌وه‌ ئێران چه‌کی ناوکی دروسـت ناکات.
XS
SM
MD
LG