Accessibility links

ڕێژه‌ی به‌شـداریکردن له‌ هه‌ڵبژاردنه‌کانی هه‌ردوو پارێزگای ئه‌نبار و نه‌ینه‌وای عێراق ڕاده‌گه‌یه‌نرێت

  • VOA News

مقداد ئه‌لشوره‌یفی ئه‌ندامی کۆمسیۆنی باڵای هه‌ڵبژاردنه‌کانی عێراق ئه‌مڕۆ هه‌ینی ڕایگه‌یاند که‌وا ڕێژه‌ی به‌شـداری خه‌ڵـکی له‌ هه‌ڵبژاردنی ئه‌نجومه‌نی پارێزگای ئه‌نباری ڕۆژئاوای عێراق 50% بووه‌ و له‌ پارێزگای نه‌ینه‌وای باکوری وڵاته‌که‌ 37.5% بووه‌.
کاربه‌ده‌سـتانی هه‌ڵبژاردن پـێشـتر له‌ باره‌ی پارێزگاکانی له‌ مانگی چواردا هه‌ڵبژاردنه‌کانیان بۆ سـازکرا، گوتیان 51% ی ئه‌وانه‌ی مافی ده‌نگدادنیان هه‌بووه‌ به‌شـداریان کردبوو، ئه‌مه‌ش هه‌ر وه‌ک ڕێژه‌ی به‌شـداریکردنه‌که‌ی سـاڵی 2009 یه‌.
سه‌فا ئه‌لموسه‌ویی گوته‌بێژی کۆمسیۆنی باڵای هه‌ڵبژاردنه‌کان ده‌ڵێت ڕێژه‌ی به‌شـداری له‌ هه‌ڵبژاردنی ئه‌و دوو پارێزگایه‌ ده‌توانرێت به‌ شێوه‌یه‌کی گشـتی به‌ باش دابنرێت.
سه‌باره‌ت به‌ هه‌ڵبژاردنه‌کانی پارێزگای نه‌ینه‌وا ئه‌میر گۆران په‌یامنێری ده‌نگی ئه‌مه‌ریکا له‌ موسڵ ڕاسته‌وخۆ ڕاپـۆرتێـکی له‌ به‌رنامه‌کانی ڕادیۆدا پـێشـکه‌شکرد.
XS
SM
MD
LG