Accessibility links

ئیسپانیا 8 گومان‌لێکراوی قاعیده‌ ده‌سـتگیرده‌کات

  • VOA News

هێزه‌کانی ئاسایشی ئیسپانیا له‌ هه‌ڵمه‌تێـکیاندا به‌یانی ئه‌مڕۆ هه‌ینی 8 که‌سیان ده‌سـتگیرکردووه‌ به‌ گومانی په‌یوه‌ندیـیان به‌ قاعیده‌ له‌ سوریا.
وه‌زاره‌تی ناوخۆی ئیسـپانیا ده‌ڵێت هه‌ڵمه‌ته‌که‌ له‌ ناوچه‌ی Ceuta ئه‌نجامدراوه‌، ئه‌وه‌ی به‌ عه‌ره‌بی به‌ سه‌بته‌ ده‌ناسرێت‌ و هاوسنووره‌ له‌گه‌ڵ وڵاتی مه‌غریبدا. وه‌زاره‌ته‌که‌ ده‌شڵێت ئه‌م تۆڕه‌ چالاکیشیان له‌ شـارۆچکه‌ی فینده‌قه‌ی مه‌غریبیش هه‌بووه‌.
وه‌زاره‌ته‌که‌ گوتیشی ئه‌وانه‌ی ده‌سـتگیرکراون گومانیان لێده‌کرێت سه‌رقاڵی ناردنی شه‌ڕ‌که‌ر بوون بۆ کۆمه‌ڵی سه‌ر به‌ ئه‌لقاعیده‌ له‌ سوریا. ئاماژه‌ی به‌وه‌ش کرد هه‌ندێـک له‌وانه‌ی ئه‌و کۆمه‌ڵه‌ بۆ سوریایان ڕه‌وانه‌کردوون هێرشی خۆکوژیـیان ئه‌نجامداوه‌ و هه‌روه‌ها به‌شێـکیان بۆ که‌مپه‌کانی مه‌شقی تێرۆرستان چوون.
هێشـتا ناسـنامه‌ی ده‌سـتگیرکراوه‌کان ئاشـکرا نه‌کراوه‌.
XS
SM
MD
LG