Accessibility links

وێنه‌ی سه‌ته‌لایت وێرانکاری گونده‌کانی هه‌رێمی دارفوور نیشان ده‌دات

  • VOA News

ڕێکخراوێکی سه‌ره‌کی مافه‌کانی مرۆڤ ڕاده‌گه‌ێنێت وێنه‌ سه‌ته‌لاتییه‌کانی ئه‌مدواییانه‌ وێرانی چه‌ند گوندێکی ناوه‌ندی هه‌رێمی دارفوری سودان نیشان ده‌دات.
ڕێکخراوی چاودێری مافه‌کانی مرۆڤ ڕاده‌گه‌ێنێت هێرشه‌که‌ی مانگی چوار بۆ سه‌ر شارۆچکه‌ی ئه‌بو جه‌ردل، و گونده‌کانی ده‌وروبه‌ری بوو به‌ هۆی کوشتنی به‌لایه‌نی که‌م 42 که‌س و ئاواره‌بوونی زیاتر له‌ 30 هه‌زار که‌سی تر.
گروپه‌که‌ ده‌ڵێت شاره‌زایان به‌ پێی وێنه‌کانی به‌ر له‌ هێرشه‌که‌و پاش هێرشه‌که‌ش بۆیان ده‌رکه‌وتووه‌ نزیکه‌ی 3 هه‌زار باڵه‌خانه‌ که‌ بریتین له‌ خانوبه‌ره‌و دووکان و بازار له‌ ناوچه‌که‌ سوتێنراون.
ڕێکخراوی مافه‌کانی مرۆڤ ده‌ڵێت گوندنشینه‌کانی که‌ ناوچه‌که‌یان چۆڵ کردووه‌ هێزه‌کانی حکومه‌تی سودان و عه‌لی کۆشیبی ڕێبه‌ری چاکداران به‌ هێرشه‌که‌ تاوانبار ده‌که‌ن.
کۆشیب له‌لایه‌ن دادگای تاوانی نێونه‌ته‌وه‌ییه‌وه‌ داوا کراوه‌ به‌هۆی ئه‌و تاوانانه‌ی له‌ شه‌ڕی ڕۆژئاوای دارفور له‌ ساڵی 2003 و 2004دا ئه‌نجامی داوه‌.
له‌ ئێستادا کۆشیب پۆستێکی باڵای له‌ ناو هێزه‌کانی پۆلیسی سوداندا هه‌یه‌.
XS
SM
MD
LG