Accessibility links

پـۆلیسی تورکیا مه‌یدانی ته‌قسیم له‌ خۆپـیشـانده‌ران چۆڵ ده‌کات


پـۆلیسی دژه‌ ئاژاوه‌ی تورکیا مه‌یدانی ته‌قسیمی ئسته‌نبوڵی له‌ خۆپـیشـانده‌ران چۆڵ کرد، ئه‌مه‌ش دوابه‌دوای شه‌وێـک له‌ پـێـکدادانی نێوانیاندا.
پـۆلیسی دژه‌ ئاژاوه‌ له‌ دوێنێ سێشه‌ممه‌وه‌ به‌ گازی فرمێسـک ڕێژ و ئاو ڕووبه‌ڕووی خۆپـیشـانده‌ران بووه‌وه‌ له‌ مه‌یدانه‌که‌دا و پـێـکدادان له‌ نێوانیاندا تاوه‌کو به‌یانی ئه‌مڕۆ چوارشه‌ممه‌ به‌رده‌وام بوو.
ئه‌م هه‌ڵمه‌ته‌ی پـۆلیس پاش دوو هه‌فته‌ هات له‌ گردبوونه‌وه‌ی خۆپـیشـانده‌ران له‌ ته‌قسیم، ئه‌مه‌ش به‌ مه‌به‌سـتی ڕاگرتنی پـرۆژه‌یه‌کی حکومه‌ت بۆ تێـکدانی باخچه‌یه‌کی گشـتی له‌ پاڵ مه‌یدانه‌که‌دا و بنیاکردنی سه‌ربازگه‌یه‌کی سمبوڵی هاوشێوه‌ی سه‌رده‌می عوسمانی و ناوه‌ندێـکی ڕۆشنبیری و بازاڕێـک له‌ شوێنه‌که‌یدا.
خۆپـیشـانده‌ران هه‌روه‌ها داوایانکرد سه‌رۆک وه‌زیر ڕه‌جه‌ب ته‌یب ئه‌ردۆغان ده‌ست له‌ پـۆسته‌که‌ی بکێشێته‌وه‌، ده‌ڵێن بیروباوه‌ڕه‌ کۆنه‌پارێزه‌ ئیسلامیـیه‌که‌ی به‌سه‌ر وڵاته‌ سیکیولاره‌که‌یاندا ده‌سه‌پـێنێت.
ئه‌ردۆغان به‌ نیازه‌ ئه‌مڕۆ چوارشه‌ممه‌ له‌گه‌ڵ ژماره‌یه‌ک له‌ خۆپـیشـانده‌ران کۆبـبێته‌وه‌، ئه‌مه‌ش له‌ کاتێـکدا که‌ تاوانباریان ده‌کات به‌وه‌ی به‌ مه‌به‌ست وێنه‌ و ئابوری وڵاته‌که‌ تێـکده‌ده‌ن.
ساڵح تۆران په‌یامنێری ده‌نگی ئه‌مه‌ریکا له‌ ئسته‌نبوڵ ڕاپـۆرتی له‌م باره‌یه‌وه‌ ناردوو.
please wait

No media source currently available

0:00 0:03:51 0:00
Direct link

XS
SM
MD
LG