Accessibility links

شوان موحه‌مه‌د: نابێت سازانی نیشتیمانی له‌سه‌ر مافه‌کانی هه‌ڵبژاردن و خۆ کاندیدکردن و ده‌نگدانی هاوڵاتیان بێت

  • Balen Salih

 نوسه‌ر و ڕۆژنامه‌وان شوان موحه‌مه‌د

نوسه‌ر و ڕۆژنامه‌وان شوان موحه‌مه‌د

له‌وه‌تای پرسی ئه‌گه‌ر و نه‌گه‌ری خستنه‌ ڕیفراندۆمی ده‌ستوری هه‌رێم هاتۆته‌ ئاراوه‌ به‌ هه‌مان شێوه‌ش ده‌سته‌واژه‌ی سازانی نیشتیمانی بۆته‌ دۆسێیه‌کی گه‌رم و گوڕی وتووێژکردن له‌ هه‌رێمی کوردستانی عێراقدا.
نوسه‌ر و ڕۆژنامه‌وان شوان موحه‌مه‌د ده‌ڵێت سازانی نیشتیمانی له‌ ئاکامی دروستبونی مه‌ترسیه‌کان هاتۆته‌ ئاراوه‌ وه‌ک مه‌ترسی له‌ بارگرژی و ڕوودانه‌وه‌ی شه‌ڕ و ته‌نانه‌ت دووباره‌بوونه‌وه‌ی دوو هه‌رێمی به‌ڕێوه‌بردن له‌ هه‌رێمی کوردستانی عێراقدا.

له‌ میانه‌ی وتووێژه‌که‌یدا له‌گه‌ڵ به‌ڵێن ساڵح، نوسه‌ر و ڕۆژنامه‌وان شوان موحه‌مه‌د ده‌شڵێت لایه‌نه‌ سیاسیه‌کانی هه‌رێمه‌که‌ پێناسه‌یه‌کی هاوبه‌شیان نییه‌ بۆ سازانی نیشتیمانی .

شوان موحه‌مه‌د ده‌شڵێت به‌ڵێ یه‌کێتی نیشتیمانی کوردستان جۆرێک له‌ هاوڕایی هه‌یه‌ له‌گه‌ڵ لایه‌نه‌کانی ئۆپزسیۆندا سه‌باره‌ت به‌ پرسی ده‌ستوری هه‌رێم به‌ڵام خاڵی جیاوازیشیان هه‌یه‌ له‌وانه‌ ده‌شێت یه‌کێتی نیشتیمانی نه‌ به‌ ئه‌رێنی و نه‌ به‌ نه‌رێنی ده‌نگ به‌ ده‌ستوره‌که‌ نه‌دا ئه‌گه‌ر خرایه‌ ڕیفراندۆمه‌وه‌ له‌ ده‌مێکدا لایه‌نه‌کانی ئۆپزسیۆن به‌ نا ده‌نگ ده‌ده‌ن و ده‌شڵێت "بێگومان ئه‌مه‌ش خراپه‌".

زانیاری زیاتر له‌ ده‌قی وتووێژه‌که‌دایه‌:

XS
SM
MD
LG