Accessibility links

به‌هۆی ته‌قینه‌وه‌یه‌ک له‌ عێراق 10 ئێرانی ده‌کوژرێن و 30 دیکه‌ بریندارده‌بن

  • Goran Tawfeeq

هاوکات له‌گه‌ڵ خۆپـیشـاندانی ئه‌مڕۆ هه‌ینی پارێزگا سوونـنه‌کاندا، مه‌راسیمی ئاینزا شیعه‌کانیش له‌ یادی شه‌هیدکردنی ئیمام موسای کازمدا هێشـتا به‌رده‌وامه‌.
هه‌ر ئه‌مڕۆ له‌ پارێزگای دیاله‌ ئۆتۆمبیلێـکی بۆمبڕێژکراو، پاسێـکی گه‌شتیار هه‌ڵگری ئێرانی کرده‌ ئامانج که‌ بۆ مه‌راسیمی زیاره‌تی مه‌زارگه‌ پـیرۆزه‌کان ڕوویان له‌ عێراق کردبوو.
ڕووداوه‌که‌ له‌ قه‌زای مقدادیـیه‌ی باکوری خۆرهه‌ڵاتی شـارۆچکه‌ی به‌عقوبه‌ بوو که‌ ده‌که‌وێته‌ دوری 55 ی کیلۆمه‌تری به‌غداوه‌.
له‌ ئه‌نجامی هێرشه‌که‌شـدا 10 سه‌رنشینی پاسه‌که‌ کوژران و 30 ی دیکه‌ش برینداربوون که‌ سه‌رجه‌م قوربانیـیه‌کان به‌ ڕه‌گه‌ز ئێرانی بوون.
له‌ لایه‌کی تریشه‌وه‌ خۆپـیشـاندانه‌کانی ئه‌مڕۆ هه‌ینی پارێزگا سووننه‌کانی تایفه‌ی سووننه‌ هێشـتا به‌رده‌وامی هه‌یه‌ و له‌م هه‌فته‌یه‌شـدا ڕاگه‌یه‌ندراوێـک بڵاوکرایه‌وه‌ که‌ هیچ سه‌رکرده‌یه‌کی سیاسی نوێنه‌رایه‌تیـیان ناکات له‌ دانوسـتان و گفتوگۆ له‌گه‌ڵ حکومه‌ت و مالیکیدا.
خۆپـیشـانده‌ران عه‌بدول مه‌لیک ئه‌لساعدی مه‌رجعی ئاینی سووننه‌کانیان وه‌ک تاکه‌ ڕابه‌ری نوێنه‌ری ڕاسته‌قینه‌ی خۆپـیشـانده‌ران ته‌ئکید لێ کرده‌وه‌ و جگه‌ له‌و که‌سـایه‌تیـیه‌ هیچ که‌سێـک مافی وتووێژی نیـیه‌ له‌گه‌ڵ حکومه‌تدا.
XS
SM
MD
LG