Accessibility links

ئه‌مه‌ریکا به‌ نیازه‌ سیسته‌می پاتریۆت ڕه‌وانه‌ی ئوردن بکات

  • VOA News

وڵاته‌ یه‌کگرتووه‌کانی ئه‌مه‌ریکا سیسته‌می دژه‌ موشه‌کی پاتریۆت و فڕۆکه‌ی جه‌نگی F-16 ڕه‌وانه‌ی ئوردن ده‌کات بۆ مه‌شقێـکی له‌شـکری که‌ بڕیاره‌ له‌وێ سـازبکرێت، وه‌ ڕه‌نگه‌ به‌شێـک له‌و چه‌کانه‌ له‌وێ بهێڵرێنه‌وه‌ تاوه‌کو توانا به‌رگریـیه‌کانی ئه‌و وڵاته‌ به‌هێزتر بکرێن له‌و ده‌مه‌ی قه‌یرانی سوریا هه‌روا به‌رده‌وامه‌.
گوته‌بێژێـکی فه‌رمانده‌یی ناوه‌ندی له‌شـکری ئه‌مه‌ریکا به‌ ده‌نگی ئه‌مه‌ریکای گوت مه‌شقه‌ له‌شـکریـیه‌که‌ له‌ کۆتایی ئه‌م مانگه‌ له‌ ژێر ناوی Eager Lion به‌ڕێوه‌ده‌چێت و چه‌ند له‌شـکری وڵاتێـک تیایدا به‌شـداری ده‌که‌ن.
جێی ئاماژه‌یه‌ نیگه‌رانیـیه‌کان پـتربوون له‌و ده‌مه‌ی سوریا هه‌وڵی ڕه‌وانه‌کردنی موشه‌ک بۆ حزبوڵای لوبنان ده‌دات و شیانی هه‌یه‌ ئه‌و موشه‌کانه‌ له‌ دژی وڵاتانی ناوچه‌که‌ به‌کاربهێنرێن.
XS
SM
MD
LG