Accessibility links

سه‌دان یه‌مه‌نی خۆپـیشـاندانی ناڕه‌زایی سـازده‌که‌ن له‌ به‌رامبه‌ر ڕفاندنی 2 که‌سی بیانی له‌ وڵاته‌که‌یاندا

  • VOA News

سه‌دان یه‌مه‌نی ئه‌مڕۆ پـێنجشه‌ممه‌ له‌ شـاری ته‌عز ڕژانه‌ سه‌ر شه‌قامه‌کان بۆ ده‌ربڕینی ناڕه‌زایی له‌ به‌رامبه‌ر ڕفاندنی ژن و پـیاوێـکی هاوڵاتی ئه‌فریکای باشور که‌ بۆ گه‌شـتیاری بۆ شـاره‌که‌یان هاتبوون.
ئه‌م خۆپـیشـاندانه‌ له‌ پاش دوو ڕۆژ دێت له‌وه‌ی پـۆلیسی ئه‌و وڵاته‌ ڕایگه‌یاند، چه‌کدارانی سه‌ر به‌ په‌رله‌مانتار عه‌بدولحه‌مید ئه‌لبه‌ترا ڕفاندویانن به‌ مه‌به‌سـتی گوشـارخستنه‌ سه‌ر حکومه‌ت تاوه‌کو پارچه‌ زه‌ویـیه‌ک به‌و په‌رله‌مانتاره‌ بده‌ن.
به‌ڵام عه‌بدولحه‌مید ئه‌لبه‌ترا ڕۆژی چوارشه‌ممه‌ گوتی ئه‌و تۆمه‌ته‌ سه‌رتاپای ڕاست نیـیه‌ و حکومه‌ت ده‌یه‌وێت به‌مه‌ شـکسـتهێنانی خۆی له‌ پاراستنی بیانیـیه‌کان داپـۆشێت.
پـۆلیس ده‌ڵێت 5 که‌س که‌ گومان ده‌کرێت ده‌سـتیان له‌ ڕفاندنه‌که‌دا هه‌بێت ده‌سـتگیرکراون.
XS
SM
MD
LG