Accessibility links

ناردنی نامه‌ی ژهراوی بۆ شاره‌داری نیویۆرک په‌یوه‌ندی به‌ هه‌وڵه‌کانی ئه‌و بۆ کۆنترۆڵ کردنی چه‌ک هه‌یه

  • VOA News

شاره‌داری نیویۆرک مایکل بلومبرگ ده‌ڵێت نامه‌یه‌کی ژه‌هراوی بۆ ئۆفیسه‌که‌ی به‌ڕێ کرابو وادیاره‌ په‌یوه‌ندی هه‌بو به‌ هه‌ڵمه‌تی به‌ناوبانگی کونترۆڵ کردنی چه‌ک.
دره‌نگانی چوارشه‌ممه‌، بلومبرگ بۆ‌ په‌یامنێران دوا پاش ئه‌وه‌ی شوێنه‌واری ژه‌هری کوشنده‌ی ڕایسین له‌سه‌ر دوو نامه‌ی بۆ شاردار به‌ڕێکرابون دۆزرانه‌وه‌. به‌لانی که‌م له‌یه‌کێک له‌ نامه‌کاندا باسی کاری ئه‌و کرابو له‌ پێناو توندترکردنی یاساکانی کۆنترۆڵ کردنی چه‌ک، به‌ڵام ئه‌و پاشه‌کشه‌ ناکات.
بلومبرگ ڕێکخه‌ری سه‌ره‌کی ڕێکخراوی شاره‌داران به‌دژی چه‌کی نایاسایی بو که‌ له‌ ساڵی2006 پێکهات به ‌به‌شداری 15 شاره‌دار له‌ یه‌که‌م کۆبونه‌وه‌دا. ئه‌مڕۆکه‌ زیاترله‌‌ 950 ‌ شاره‌داری سه‌رتانسه‌ری ئه‌مه‌ریکا تێیدا ئه‌ندامن.
ئه‌م ساڵ ڕێکخراوه‌که‌ هه‌وڵه‌کانی چڕتر کردن پاش ئه‌وه‌ی تاکێکی چه‌کدار له‌ شاری نیوتاون له‌ ویلایه‌تی کانێتیکت 26 که‌سی کوشتن که‌ زۆربه‌یان منداڵانی بچوک بون. ڕێکخراوه‌که‌ پشتیوانی له‌ هه‌ڵمه‌تی12ملیۆن دولاری ڕیکلام وه‌رده‌گریت که‌ به‌شێکی ئه‌م پاره‌یه‌ له‌ سامان و داهاتی که‌سی بلومبرگ دابێن ده‌کرێت.
سه‌ره‌ڕای ئه‌م هه‌وڵه‌، ئه‌وانه‌ی دژی هه‌رجۆره‌ سنوردارکردنی نوێ له‌سه‌ر مافی خاوه‌نایه‌تی و هه‌ڵگرتنی چه‌کن به‌درێژایی ساڵ پێشی ته‌واوی هه‌وڵه‌کانیان له‌ کونگرێس ‌ بۆ تێپه‌ڕکردنی یاسای نوێ گرتووه .
XS
SM
MD
LG